|
وفاة الجواد ع -- يالكاظم دمعتك خلها هماله
وفاة الامام الجواد عليه السلام
بما انه دفن بجوار الامام موسى الكاظم عليهم السلام فكانت هذه القصيده وصورتها اسئل الله القبول -- -- يالكاظم دمعتك خلها هماله اتلگاه للجواد وعاين الحاله -- يالكاظم أدموعك خل تهل اليوم وبحرگة گلب عاللي گضه مسموم والبس للحزن سدوه لمصابه اهدوم وأگعد لوردت يالكاظم اگباله -- اگباله تگعد ونشده شنو الاسباب وبعينك تشاهد چبده بالسم ذاب ماتنفع ملامه ولايفيد اعتاب سم النال چبدك چبده هم ناله --- اتلگاه للجواد وياهظم عنده ابكظم الغيظ اجاك ومنگطع چبده شوف الياسبب والياجرم عنده بالسم هالخصم ياوسفه يغتاله -- يغتاله عليمن سولف انته أوياه هم مثلك قساوه راوته دنياه مثل ماتنغدر هذا الغدر يدناه يالكاظم ومثلك غيبوا اهلاله -- اهلاله غاب وانصب للحزن مأتم يالكاظم ومنكم ياچبد يسلم لو بالسيف لو بالينغدر بالسم لو من الذبح ماتسلم اطفاله -- ابهذا الحال واحدكم بعد واحد بني أميه وظلمهم للوكت شاهد الجرايمهم كلمن يطّلع رايد ينشد كربله اعله حسين وعياله -- ورثوها البني العباس اعاديكم أخذوا من بني أميه الظلم ليكم كلها اتجمعت بحقادها اعليكم ومنهم للجواد اليوم چتاله -- سموه للجواد ومن گبل سموك يالكاظم وچم عام ابسجن خلوك بالسم غدرته هالوادم الغدروك ودلالك تفطر مثل دلاله -- سيد عدنان الحمامي |
ما شاء الله جميلة جداً
|
السلام على الامام الجواد
وعلى جده الامام الكاظم عليهما السلام سيدنا الجليل طابت انفاسك الحسينية |
جميل جدا جدا جدا جدا جدا هذه الأبيات في حق الامام محمد الجواد روحي له الفداء واسئل الله لكم الدوام التوفيق والسداد في هذه الخدمه الجليله والمباركه تحياتي ودعائي |
| الساعة الآن 04:19 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010