|
خويه اضعوني -- خويه اضعوني -- ردت يمك خويه اضعوني-- للاربعين
بسمه تعالى سلام عليكم --- -- المستهل ---- خويه اضعوني -- خويه اضعوني -- ردت يمك خويه اضعوني ---- رديت ابضعنك يالوالي بيتامك يبن امي الغالي لو تگعد وتشاهد حالي امجرحات أمن الظيم اجفوني خويه اضعوني -- خويه اضعوني -- ردت يمك خويه اضعوني ---- همي اشكبره وظيم البيه من يوم العفتك مسبيه أه أمن الشام وطاريه چم صوره الظلت بعيوني خويه اضعوني -- خويه اضعوني -- ردت يمك خويه اضعوني ----- چم صوره اللي ما أنساها تحمل هالشوغات اوياها يحسين الظالم سواها راسك جابه اگبال اعيوني خويه اضعوني -- خويه اضعوني -- ردت يمك خويه اضعوني ----- ثغرك گام ايضربه اگبالي ابضرباته ايگطع دلالي يبن امي وشصار ابحالي اتمنيت اهناك اتشوفوني خويه اضعوني -- خويه اضعوني -- ردت يمك خويه اضعوني ----- ياموقف احچيلك عنه لسّن الشمات شسمعنه احچايات الگلبي ايگطعنه ياخويه حسين وبچوني خويه اضعوني -- خويه اضعوني -- ردت يمك خويه اضعوني ----- سمعوني الشمات احچايه شمتوا خويه براعي الرايه لوچان العباس اويايه اشحدهم ياخويه ايهظموني خويه اضعوني -- خويه اضعوني -- ردت يمك خويه اضعوني --- للعباس اموجهه اعتابي ماينشد من طال اغيابي لو يگعد ويشوف امصابي شيگول ولوشاف امتوني ---- خويه اضعوني -- خويه اضعوني -- ردت يمك خويه اضعوني ---- سيد عدنان الحمامي |
| الساعة الآن 01:27 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010