بسمه تعلى

سلام عليكم

---

--

اگعد يحسين وحاچيها

--

فزّت من النوم اتريدك

تحظن صدرك وتشم جيدك

يحسين اتريد اتبوس ايدك

وتشبچ ايديك بايديها

---

شتگول اشتحمل هالطفله

امصايبها الصارت موسهله

ودمع الغالي عليك اتهله

وتتيتم عگبك تاليها

----

طفله وبيها الهم اشكبره

مكسورة خاطر شيجبره

شلون الراسك هيه اتنظره

ونته بعينك تنظر ليها

----

والدها وتريدك يمها

يحسين اتشمك وتشمها

وفراگك تدري ايألمها

صعبه افراگك صار اعليها

----

يحسين اسمع صوت ابچاها

وشوف الالام الوياها

هسه اتريدك تتلگاها

عافت دنياها ومابيها

----

سيد عدنان الحمامي




----