:: منتديات السيد عدنان الحمامي :: - وفاة الكاظم ع -- فوگ الجسر تلگوني

:: منتديات السيد عدنان الحمامي :: (http://www.adnanalhamame.com/vb/index.php)

- أشعار الحمامي للشهادات والوفيات (http://www.adnanalhamame.com/vb/forumdisplay.php?f=3)

- - وفاة الكاظم ع -- فوگ الجسر تلگوني (http://www.adnanalhamame.com/vb/showthread.php?t=4660)

وفاة الكاظم ع -- فوگ الجسر تلگوني

فوگ الجسر تلگوني -- ياشيعتي وشيعوني

بالحسرات -- بالدمعات

---

باچر لون طرله فجر -- وشمس الصبح من اتلوح

ياشيعه نعشي اعله الجسر -- لو رحتو تلگوه مطروح

لايمه من يجري الدمع -- لامن بواچي او لانوح

آنه غريب او لاهلي -- وين اليخبّر اهلي ايروح

بلچن هلي ايحضروني -- ياشيعتي وشيعوني

بالحسرات -- بالدمعات

--

ياشيعه وآنه بالسجن -- ظيم وقساوه وتنكيل

وبساگي قيد ويلتوي -- ومن يلتوي دمي ايسيل

لاراحه لارأفه شفت -- سجاني ظالم ويعيل

نعشي المنيه لو دنت -- باچر اتشيله احماميل

بس اتغمض اعيوني -- فوگ الجسر تلگوني

بالحسرات -- بالدعات

---

اخمسطعش عام ابغربتي -- مابين سجن وسجان

غيضي كظمته ومصطبر -- وعبّدت درب الايمان

رادوا ايقبرون الشرع -- وينسون نهج القرآن

لاچن ابصبري جاهدت -- والسجن صار الميدان

وصار الهم يسموني -- ياشيعتي وشيعوني

--
اتحملت مامثلي حمل -- شوغه ومراره وآلام

طاموره وحشه ومظلمه -- امن الهظم جفني مانام

محروم حتى امن الضوه -- حرموني منه الظلام

راووني اشكال المحن -- من القساوه چم عام

بالسم من يغدروني -- ياشيعتي وشيعوني

بالحسرات -- بالدعات

----

باچر يشيعه اعله الوعد -- وادري الموادع ميهون

هالامر لاچنه حتم -- عالجسر نعشي اتشوفون

واخلص امن الهم والالم -- امن الطاغي اخلص هارون

شيعوني بدموع الحزن -- حگ لو عليّه تبچون

من هاليوم ودعوني -- ياشيعتي وشيعوني

بالحسرات --- بالدمعات

--

-- سيد عدنان الحمامي

اعظم الله اجورنا واجوركم بوفاه باب الحوائج
الإمام موسى بن جعفر الكاظم عليه السلام
واثابكم المولى لهذه الحروف الولائية
التي سكبتها تلك المحبرة المعتقة بعشق الآل عليهم السلام
لا حرمنا الله وإياكم من زيارتهم في الدنيا وشفاعتهم في الآخره

ياباب الفرج يمته الفرج يايوم -- ليش ابلا جنايه ولاسبب مظلوم

من سجن السجن ويكابد ومهموم -- لو يحچي السجن چا ينطق السانه

~~لعن الله من ظلمك واذاك سيدي مولاي

طيب الله انفااسك سيدنا وموفق لكل خير بحق محمد وال محمد

عظم الله اجورنا واجوركم بهذا المصاب العظيم

رزقنا الله واياكم في الدنيا زيارته وفي الآخرة شفاعتة

خادمة أهل البيت ..توأم روحي نسألكم الدعاااء