|
وفاة الكاظم ع -- وين الكاظم وبيه ياهو دلانه
بسمه تعالى
سلام عليكم عظم الله اجوركم واجورنا بمصاب الاما موسى بن جعفر عليه السلام -- -- -- وين الكاظم وبيه ياهو دلانه -- ابيا سجن انسجن مانعرف امچانه -- ياهو البيه رحم والعنده خوف الله -- وياهو ملة الاسلام اله مله يدلينه اعله سجنه انچان يندله -- يولا للسجن ينطينه عنوانه -- ياهو اللي اجر من النبي رايد -- ويعمل خير ولله عالعمل شاهد ياخذنه المچان الزاهد العابد -- بس لا بالحديد امقيده سجانه -- ليش ابلا سبب ومغيبه هارون -- ولا اهله وعمامه ابحالته يدرون وهاي اخمسطعش عام ابسجن مسجون -- مو حته الفرج قفلها بيبانه -- ياباب الفرج يمته الفرج يايوم -- ليش ابلا جنايه ولاسبب مظلوم من سجن السجن ويكابد ومهموم -- لو يحچي السجن چا ينطق السانه -- ينطق هالسجن ويسولف العنده -- عالكاظم وظيمه وعن هظم چبده لاجرم وذنب لا من شهد ضده -- ذنبه هالعباده ويتلي قرآنه -- ساجد راكع ويتلي كتاب الله -- مو ثاير اوسيفه اعله المُلك سله بني العباس صاروا عالبشر علّه -- واحدهم بغيض وباع ايمانه -- سيد عدنان الحمامي |
احسنتم جزاكم الله خيراً
عظم الله اجركم |
ابسم الله الرحمن الرحيم اللهم صل على النبي محمد واله الاطهار و لعن الله قاتليهم وظالميهم الى قيام يوم الدين السلام على الامام المظلوم السلام على الامام المسموم السلام على المعذب في قعر السجون وظلم المطامير السلام على ذي الساق المرضوض بحلق القيود السلام عليك يا مولاي يا موسى ابن جعفر طبتم وطابت الارض التي دفتنم فيها ولعنه الله على ظالميكم والغاصبين لحقكم الي يوم الدين عظم الله لكم الاجر بهذه المصيبه العظيمه احسنتم عله القصيده الولائيه وفقتم لكل خير لما تركتم من حروف شجيه اقرحت الجفون وادمت القلوب بارك الله بكم وجعلها الله لكم سند في الاخره بحق محمد وأل محمد ص |
احسنتم مولاي وبارك الله بك وربي يوفقك
|
الله لاحرمنا جديدك الدائم لينيّر قلوبنا قبل عقولنا !!
دمت بأمان الله وحفظهِ |
ياباب الفرج يمته الفرج يايوم -- ليش ابلا جنايه ولاسبب مظلوم
من سجن السجن ويكابد ومهموم -- لو يحچي السجن چا ينطق السانه... الله لا يحرمنا من جديدك سيدنا الغالي.. موفقين لكل خير بحق محمد وال محمد~~ خادمة أهل البيت ~~توأم روحي |
| الساعة الآن 10:01 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010