وفاةالامام علي الهادي ع --- ياربي اشهد
 

--

ياربي اشهد -- عترة محمد -- من الذبح والسم -- مايسلم أحد

سم ونزيف انحور -- من الظلم والجور -- مايسلم احد

----

يارب يالاه الناس ياقيوم -- كلشي هالك او وجهك الاهي ايدوم

من يوم السقيفه هالظلم لليوم -- افعى او للحقد تفرز أشد اسموم

گوم الجهاله -- اخبث سلاله -- نشروا بدعهم -- اهل الظلاله
للهادي طفوا نور -- من الظلم والجور -- مايسلم احد

--

يارب يالاه العزّه والقدره -- تعلم بالجره والصار عالزهره

بس غاب الرسول اتوسد ابگبره -- ماتت من ضلعها اللي صعب كسره

الأمه النبيها -- مو وصه بيها -- من عندي بضعه -- وقبّل اديها

منها وبده هالدور -- من الظلم والجور -- مايسلم أحد

--

يارب ياعظيم الخالق الديان -- أگلوب وظلت امحمله حقد واضغان

ردوا عالصميده الكسر الاوثان -- ابسيف احقاد طبروا هامة الايمان

ابهذا فعلها -- اتشتت شملها -- ركظت وره الاطماع -- ضيعت أملها

بيها الغدر محفور -- من الظلم والجور -- مايسلم أحد

--

يارب ياسميع الواحد القهار -- ظلم واعله الحسن هذا الظلم يندار

مابين الصلح مابين ناس اشرار -- ضده اتامرت مارحمته الاقدار

وحده يجاهد -- اهل المقاصد -- وادى الامانه -- يصلحها رايد

وغدرةته اهل الزور -- من الظلم والجور -- مايسلم احد

---

يارب ياغفور او واسع الرحمه -- نكثت بالعهد لحسين هالامه

مدري ابياشرع من حللوا دمه -- وحتى اعله الرضيع انصبت النقمه

ذبحوا رضيعه -- اهل الخديعه -- ماصاير او لادار -- فعله شنيعه

ابنبله الطفل منحور -- من الظلم والجور -- مايسلم احد

--

يارب يامن اتعبده جميع الناس -- تعلم يافعل فعلت بني العباس

همه اللي شيدوا للظلم هالساس -- ناس ابلا ضمير وفاقده الاحساس

هذا وضعها -- الغدره طبعها -- بالسم تگطع اچبود -- اصبح نفعها

علي الهادي المغدور -- من الظلم والجور -- مايسلم احد

--

سيد عدنان الحمامي