:: منتديات السيد عدنان الحمامي :: - محمد أنقذ ألأمّه من ألاوهام

قصيدة گعدة بمناسبة وفاة الرسول ألأعظم(ص)

محمد أنقذ ألأمّه من ألاوهام --- الـچانت جاهليه وتعبد أصنام

بعده النبي ماغاب --- انـگلبت على الأعقاب

الـچانت جاهليه وتعبد أصنام

****************

گبلك إشـچانت ألأمّه --- يارســــــول ألله اوفعلها

تعبد ألأصنام چانت --- وتزهق أرواح من اهلها

والفساد إستشره بيها --- وخيّم اعليها جهـلها
إتربّت على ســـفك ألدمه واعلــه النهب متــــعلِّمه عافت إلدرب الغانمه --- ومِشت بدروب التذ لها

إعتنقت للشرك وفنون الإجرام--- وهيّه السببت لليوم الآم

وئدت حتى ألأطفال --- وفعلت شر ألأفعال

الـچانت جاهليه وتعبد أصنام

**************** 1

كلها تشــــــــهدلك ألأمّــه --- إبصدقك وعــــدلك وحلمك

أشـگد ظروف البيك مرّت --- قاسيه وانتــه اعله عزمك

ماتــــــهم إبـــكل فعلــــها --- والعــــداله بقــــت هــــمّك
شتريد ياسيد الرسل
إتدليها عالحق والعدل
لنهج الرســـــاله تمتثل --- ألباري مــن عدهم يعصمك

سهران الليالي وعينه متنام --- وكل همّه يهد كل فكر هدّام

بطريق الشرف يمشون --- صاحت هذا مجنون

الـچانت جاهليه وتعبد أصنام

**************** 2

انظر التأريخ يكشــف --- كل دنيئ وذاتــــه طامع

يرفض أفكار ألسليمه --- ألكل خصال الكفر جامع

اشلون يقبل بالحقيقه --- وللنصح لتظنّه ســــامع
عــن غيّه لالاما يـــرد
مجبول عالشر والحقد
مايسمع الصوت المجد --- يسمع الصوت المنافع

محمد سفّه إلها ذيـݘ ألأحلام --- الماتقبل إبنهجه وهاي ألأحكام

تتبع حـچي البهتان --- وترفظ حـچي القرآن

الـچانت جاهليه وتعبد أصنام

**************** 3

عافت الأمر الرساله --- وطاعت الشيطان وامره

إنته حي وبيها تدري --- ابـچم گلب خلّفت جمره
إشلون بالأمّه إبغيابك --- إعليها تتكالب الزمره
إشـــــــكثر ويّها إتعبت شتسوّي لو عنها غبت ذوله اصحاب السبت --- الرايـــــده إبدينك الغدره

إبشرْها إتحزِّمت للهدم بحزام --- مادام الصنم ويّاها مادام

نكثت كل الوعود --- إلصنمها ردّت اردود

الـچانت جاهليه وتعبد أصنام
**************** 4
من أرحلت يا أبو ألزهره --- إبأمّتك صار التخاذل
عافت الديـــن اووصيتك --- وتبعت الجائر ألباطل
والطمــع چفّــه عماها --- وغدت عالمنصب تقاتل
ألقرآن بعـدك هجرته
ألحيدر وصيّك عافته
أهل ألسقيفه خا نته --- اوگامت إبغيها تخاتل

صارت تعتليها ألـچانت أقزام --- وتِحكّم سيفها برگاب ألآنام

و الناس ألعفيفه --- ذبحتها ألسقيفه

الـچانت جاهليه وتعبد أصنام

**************** 5

ألهاجموا بيت الرساله --- أحفادهم ردّوا علينـــه
رضِّــعوهم حقد أعمــه --- وعلّموهم عالضغيـــنه
أتحزِّبوا ضد ألرساله --- أوضد علي وعترة نبينه
أخبث ألناس إتجمّعت
ألشيطان كلها بايعت
ألتهديم هالأمّه سعت --- والهــبل ردّوا ســـنينه
هيّه الزوّرت منهاج ألأسلام --- بتكفير الشَرِع والساده ألاعلام
ألعادت داحي الباب --- هيّه ام ألإرهاب
الـچانت جاهليه وتعبد أصنام
**************** 6

المصـــــــــــــــــيبة

************

ريت حاضر يبو الزهره --- حال أهل بيتك تنظره

واليجي يحــــــكم الأمّه --- يناصب يحارب ألعتره

بالذبح والسـم وِلوهم --- وبضعتك أول الجمره
گومـــك عليك إتنمِّرت
واعله الرساله إتآمرت
سمعت وصيتك وانكرت
غــدرت إبيعت وصيَّك --- ألبايعت كلها ابحياتك