بسمه تعالى

سلام عليكم

--

--

--

بكت اليوم دماء -- ارضنا بعد السماء

وتنادي يامحمد -- وتنادي يامحمد

---

اليوم كل الارض واملاك السمه

بچت دم الفگد والد فاطمه

اديار هاشم هالمسيه مظلمه

والعزه منصوب عد حامي الحمه

وبدار النجباء -- نصب اليوم عزاء

وينادي يامحمد -- وينادي يامحمد

---

يبچي قانون القيامه والشرع

أوحزنت اوياها السماوات السبع

على امصاب المصطفى دم الدمع

صار مظلم بعده داره اللي يشع

غاب نور الانبياء -- فدوى هذا النداء

وينادي يامحمد -- وينادي يامحمد

----

گعد يم النبي حماي الدخيل

او دمع عينه دمه عالوجنه يسيل

يبن عمي وانته ناوي عالرحيل

والطغات اخلافك اعليه تميل

سوف ابقى للعناء -- للدواهي والبلاء

وينادي يامحمد -- وينادي يامحمد

---

يارسول الله وحبيبه ورحمته

يمن للدين انته اسمه ورايته

گلبي لفراگك لهيبه جمرته

ابحجره راس النبي وسالت دمعته

صارخا غاب البهاء -- وربيع الازكياء

وينادي يامحمد -- وينادي يامحمد

---

بعد ما اكد الكل مؤمن ولي

وسالت النفس الشريفه ابچف علي

مسح بيها وجهه وودموعه اتهلي

يارسول الله سند ماظل الي

انته عوني والرجاء -- في الشدائد والرخاء

وينادي يامحمد -- وينادي يامحمد

---

بس غفت عيناه السيد المرسلين

آذوا الزهره يهاي المسلمين

للضلع كسروه او سگطوا للجنين

ومن بعد فاطمه ردوا عالبنين

حسنُ يشكو البلاء -- من سموم الادعياء

وينادي يامحمد -- وينادي يامحمد

---

سيد عدنان الحمامي