:: منتديات السيد عدنان الحمامي :: - وفاة الجود ع -- يالمهدي انته بهل المصايب تعلم

المستهل

--

يالمهدي -- يالمهدي -- شاركنه يالمهدي

لجل الجواد انهل دمع -- شاركنه يالمهدي

----

يالمهدي انته بهل المصايب تعلم

ياهو الذي منكم يغايب يسلم

لوذبح بسيوف الغدر لو بالسم

السان الزمان بهل المحن يتكلم

واسينه -- واسينه -- بالدمع واسينه

وصوت البواچي ينسمع -- شاركنه يالمهدي

----

يالغايب الليله ابحزنّه انواسيك

ندري الجواد بهل المصاب امبچيك

متهون هذي الفاجعه الليله اعليك

جمر المصيبه بينه مثل مابيك

فجعونه -- فجعونه -- بياچبد فجعونه

ابچبد الجود المنگطع -- شاركنه يالمهدي

----

يبن الحسن من يوم ضلع الزهره

ومن طبرة المحراب آ ياطبره

چم نايبه ومصاب بيك وجمره

وگلبك يغايب عفيه مامل صبره

شيجرعه -- شيجرعه -- هالصبر شيجرعه

گوم اطلب بثار الضلع -- شاركنه يالمهدي

-----

يالغايب اتشوف المصايب جمّه

حللوا كل واحد البيكم دمه

اتراب الطفوف الچم ذبيح ايظمه

ياجسم متوذر يريد اتلمه

يانبله -- يانبله -- تشلعها يانبله

بنحر الطفل ماتنشلع -- شاركنه يالمهدي

-----

تصبر يغايب هاكُثر عالطعنات

ماتنحصي بيك شكثر من رميات

انحور اهلك بسيف الحقد منحورات

اچبود الذي بسم الخيانه اموذرات

اطلبها -- اطلبها -- ثاراتك اطلبها

وطالب ابثار اليرتضع -- شاركنه يالمهدي

-----

يالغايب اليوم المصاب البينه

فگد الجواد وهذا المبچينه

وغيرك يغايب ياهو اليواسينه

نتشارك اوياك بحزن خلينه

صبرّنه -- صبّرنه -- بهل الفجعه صبّرنه

اعلينه المصايب تجتمع -- يالمهدي شاركنه

----

سيد عدنان الحمامي