|
وفاة الامام الجواد ع
وفاة الجواد ع
----------- بما انه صلوات ربي عليهم اجمعين دفن بجوار الامام موسى الكاظم ع فكانت هذه القصيده ---------- ---------- يالكاظم دمعتك خلها هماله اتلگاه للجواد وعاين الحاله ----- يالكاظم دموعك خل تهل هاليوم وبحرگة گلب عاللي گضه مسموم والبس للحزن سوده المصابه اهدوم واگعد لوردت يالكاظم اگباله ---- اگباله تگعد ونشده شنو الاسباب وبعينك تشاهد چبده بالسم ذاب ماتنفع ملامه ولايفيد اعتاب سم النال چبدك چبده هم ناله ----- اتلگاه للجواد او ياهظم عنده ابكظم الغيض اجاك ومنگطع چبده شوف الياسبب والياجرم عنده بالسم هالخصم ياوسفه يغتاله ---- يغتاله عليمن سولف انته اوياه هم مثلك قساوه راوته دنياه مثل ماتنغدر هذا الغدر يدناه يالكاظم ومثلك غيبوا اهلاله ---- اهلاله غاب وانصب للحزن مآتم يالكاظم ومنكم ياچبد يسلم لو بالسيف لو بالينچتل بالسم لو من الذبح ماتسلم اطفاله --- ابهذا الحال واحكم بعد واحد بنبي اميه وظلمهم للوكت شاهد الجرايمهم كلمن يطلّع رايد ينشد كربله اعله حسين واعياله ---- ورثوها البني العباس اعاديكم اخذوا من بني اميه الظلم ليكم كلها اتجمعت بحقادها اعليكم ومنهم للجواد اليوم چتاله ---- سموه للجواد ومن گبل سموك يالكاظم وچم عام ابسجن خلوك بالسم غدرته هالوادم الغدروك ودلالك تفطر مثل دلاله ---- سيد عدنان الحمام |
السلام عليكم ورحمة الله وبركاته
جزيتم خيرا وبارك الله فيكم |
سموه للجواد ومن گبل سموك
يالكاظم وچم عام ابسجن خلوك بالسم غدرته هالوادم الغدروك ودلالك تفطر مثل دلاله.... طيب الله انفاسك سيدنا ~ موفقين ان شاء الله لخدمة الزهراء وبنيها عليهم السلام حفظكم الله من كل سوء؛؛ تحياتي ودعائي لكم..((حسينية للموت.. تــوام روحــي)) |
بسم الله الرحمن الرحيم
اللهم صل على محمد وآل محمد السلام عليكم ورحمة الله وبركاته ربي يجزاك خير الجزاء على طرح القصائد المباركة.. الله يوفقكم ويقضي جميع حوائجكم اللهم صل على محمد وآل محمد الطيبين الطاهرين http://alsalamtb.com/upload/Websites...F1OBVSLSFV.GIF |
طيب الله أنفاسكـ الزكية...
وجعلة في ميزان أعمالك.. دمت بخير.. |
| الساعة الآن 12:53 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010