بسمه تعالى

سلام عليكم

--

--

--

المستهل

--

ياچبد أتألم -- يالمهدي

هم عندك مأتم -- يالمهدي

بعودك سيدي انعزيك -- بينه هم مثل مابيك

--

انعزيك ولبسنه اوياك اسود ثوب -- بسامره الك مأتم عزه منصوب

ابفگد الحسن يبن الحسن يامهيوب -- صوبونه بسهم والسهم منه انذوب

لوتدري اشبينه -- يالمهدي

وياك ابچينه -- يالمهدي

هاي اجروحنه اتحاچيك -- بينه هم مثل مابيك

--

واسينه يغايب دم بچينه دم -- واعلينه الحزن يبن الحسن خيّم

گبر جدك وابوك انشوفه يتهدم -- وأحنه امن الذبح يالمهدي مانسلم

صحنه انواليكم -- يالمهدي

اتمسكنه بيكم -- يالمهدي

ياجرح الذي انراويك -- بينه هم مثل مابيك

--

نواليكم يبو صالح ابد منهاب -- وعنكم مامنعنه الخوف والارهاب

ياهو البينه هوه المايشوف امصاب -- لو أخ لو أبن لو أبو عنه غاب

ابحبكم ضحينه -- يالمهدي

شبان انطينه -- يالمهدي

هاي ارواحنه تفديك -- بينه هم مثل مابيك

--

ابحبكم ينكسر چفه اليلاوينه -- ايخاف الموت يالمحجوب مابينه

بالمال وبنين ارواح ضحينه -- لو كل البغض يتآمر اعلينه

عالموت انفوت -- يالمهدي

لو كلنه انموت -- يالمهدي

نكسر چفه اليعاديك -- بينه هم مثل مابيك

--

يالغايب نواسي المصطفى المختار -- ونجري ادموعنه العودك يراعي الثار

مصايبكم مثلها بالدهر ماصار -- خلفت نايحه ياسيدي بكل دار

شتشوف العتره -- يالمهدي

ظلام وغدره -- يالمهدي

چم ثار الذي ايناديك -- بينه هم مثل مابيك

--

يتنطر اهلالك دم ابو اليمه -- وجسمه اللي توذر بيدك اتلمه

واطفاله الخذتها النار بخيّمه -- حتى اليرتضع طالب اله ابدمه

عبد الله اتنظره -- يالمهدي

والنبله ابنحره -- يالمهدي

عطشان اسمع ايبچيك -- بينه هم مثل مابيك

--

تناديك الشريعه روح واتعنه -- گمر هاشم تشوف اشطايحه منه

يالمحجوب انشد للنهر عنه -- لساعه بنات حسين يردنه

دور چفينه -- يالمهدي

والنبله ابعينه -- يالمهدي

ابزنده لو نوه ايحييك -- بينه هم مثل مابيك

--

سيد عدنان الحمامي