:: منتديات السيد عدنان الحمامي :: - وفاة الزهراء ع-- شلون ترضه ياعلي لام الحسن ظلموها

وشلون ترضه ياعلي لم الحسن هضموها

ماهيجك كسر الضلع بالباب من عصروها
************

يابا الحسن وشصبرك لاذت الزهره ابابك

وشلون داسوا يافحل اهل الرديه اعتابك

ونته الذي ابسوح الحرب حتى المنيه اتهابك

وسفه يحيدر فاطمه بوجودك ايبچوها

*******************
بوجودك اتهل الدمع يابا الحسن ترضاها

وما يوم بوجود النبي الزهر بچت عيناها

مو عندك اوديعه النبي ام الحسن خلاها

وشگال گلبك ياعلي من اسمعت ضربوها

*****************

يالبحرك جودك مانشف يالتكرم انته الضيفك

چتال ابن ود ياعلي ومرحب شطرته ابسيفك

للزهره ماندري شعجب ماگمت تاخذ حيفك

وباب البدارك ياعلى اتعاينها من حرگوها

******************

يابطل صفين الذي جندلت كل فرسانها

ابطال بس لوشافتك يعگد الموت السانها

يمجفل اگلوب الكفر تشهد انسها وجانها

بگرابه سيفك ظل صدگ وام الحسن ظلموها

*******************

بگرابه سيفك مارجف ماصاح ماحشم الك

ياعلي سيفك لو رجف بالغمد يندار الفلك

ماواحد ابوجهك وگف چم فارس بسيفك هلك

متگلي شنهو الصًبرك دارك فلا هابوها

*********************

الحمد لله الذي جعلنا من الموالين لعلي بن ابي طالب عليه السلام

نسالكم الدعاء
سيد عدنان الحمامي</b></i>

التوقيع