|
ياعلي انجدد عهدنا -- يا امير المؤمنين -- لوفاة الامير ع
تعالى سلام عليكم قصيده لوفاة الامام علي عليه السلام القصيده على طريقة يامن اتحامي دخيلك --- گوم لينه ياعلي ------ --- المستهل --- ياعلي انجدد عهدنه -- يامير المؤمنين وياك مانخلف وعدنه -- يا امير المؤمنين نهتف ابحبك علي -- النه ماغيرك ولي ----- ياسفينة نوح يابر الامان ---- يا امير المؤمنين يامغيث المستغيث ابكل مكان ---- يا امير المؤمنين يعجز بوصفك يبو الحمله اللسان ---- يا امير المؤمنين ياعلي من عطفك انريد وحنان ---- يا امير المؤمنين يامن اتحل المشاكل --- وماترد لوسأل سائل بيك كل هم ينجلي --- النه ماغيرك ولي --- ياصراط الواضح وسر الاسرار ---- يامير المؤمنين ياضياء اليل يانور النهار ---- يا امير المؤمنين ياعلي الچفك قرص هالشمس دار -- يا امير المؤمنين بنورك احرسها يحيدر هالديار -- يا امير المؤمنين انته ياحيدر املنه --- حُبك اليجمع شملنه وصرح اهلنه يعتلي --- النه ماغيرك ولي ----- ياعلي يمهدم اركان الكفر ---- يا امير المؤمنين ياثواب الله وبليلة قدر ---- يا امير المؤمنين سيدي من صبرك انطينه صبر -- يا امير المؤمنين وللفتن يابا الحسن طفي الجمر -- يا امير المؤمنين اخوه ويلمنه وطنه --- ويرجع المغصوب النه وترتفع راية هلي --- غيرك ما النه ولي ------- ياعلي يالبيك تممها النعم ---- ياامير المؤمنين وبيك دين الله يبو الحمله سلم ---- يا امير المؤمين ياكتاب لله يانون وقلم ---- يا امير المؤمنين فرج اهموم الموالي والالم ---- يا امير المؤمنين يلي تحظر بالشدايد --- كل موالي امراده رايد ابظيمه ليظل مبتلي --- غيرك ما النه ولي ------------ ياعلي امصابك عظيمه الفاجعه ---- يا امير المؤمنين صار فگدك مثل يوم الواقعه ---- يا امير المؤمنين يجري محرابك يحيدر مدمعه ---- يا امير المؤمنين نودعه الشخصك اليله انودعه ---- يا امير المؤمنين نودعك هاي المسيه --- وبحزن كل الرعيه ومنبرك دمعه ايهلي --- غيرك ما النه ولي ------- ياعلي والمن يتاياماكم تظل ---- يا امير المؤمنين بعوز وبحرمان ظلت وبوجل ---- يا امير المؤمنين بروحتك گطعت يبو حسين الامل ---- يا امير المؤمنين وضاعت ابلياك ياخير العمل ---- يا امير المؤمنين هاي صرخات اليتامه --- هزت الكون ونظامه اتصيح بعدك ياهو لي --- النه ماغيرك ولي ------ ---- |
الله الله الله الله الله الله الله الله الله الله الله الله
الله الله الله الله الله الله الله الله الله الله الله الله احسنت كثييييييييييييييييييييييييرا سيدنا الجليل جمييييييييييييييله جدا جدا جدا جدا جدا جدا جدا هذه الابيات الولائيه في حق امير المؤمنين علي روحي وارواح العالمين له الفداااء وسلمت يمناك عله ماكتبت في حق محمد وآل محمد ص وننترقب كل جديد من ابداعتك الرائعه والمميزه الحمد لله عله لاويته امير المؤمنين ع ورزقنا الله واياكم زيارته وشفاعته اللهم آآآآآآآآآآآآآآآآآآآمين ونسئل الله العلي القدير ان يوفقك في هذه الخدمه الجليله والمباركه والعطره تحياتي ودعائي |
سلمت اناملكم المباركه سيدنا الغالي لكتابة هذه القصيدة الراائعه
لكم منا كل الشكر والتقدير تحيتي وتقديري لكم |
اللهم صل على محمد وعلى ال محمد وعجل فرجهم اللهم العن قتلة امير المومنين واللعن من ظلم العترة الطاهرة احسنتم سيدنا الغالي طيب الله انفاسكم على الكلمات الولائية المعبرة والروعة الزكيةدعائي لك سيدنا العزيز ان يحفظك الرحمن ويسددك بالقول والفعل احترامي وحبي خادمكم محمد ابورغيف |
| الساعة الآن 01:17 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010