:: منتديات السيد عدنان الحمامي :: - حصني كال الله ولاية حيدره -- للامير علي ع

حصني گال الله ولاية حيدره ----- للدخل حصني امان امن العذاب

يروي كل ضمئان منهل كوثره ------ من يزيغ البصر ساعات الحساب
----------------------------------

الله للواله علي منطيه عهد ------ من عذابي ايأمن البيه يعتصم

حصني گال الداخل الحصني وعد ---- بالحشر لوصار ما ينعد خصم

هوه لو ما غيره بالله من شهد ------ چان حتى الدين ميظله اسم

والهُبل والات ياهو الكسره ----- انشد الكعبه ترد هيه الجواب

ابوقعة الخندق واُ حد وبخيبره ----- نايحه ابكل بيت خلاها ومصاب

-----------------------------------

راسخ الايمان ويجود النفس ----- صولته يشهد اله ميدانها

علي لوطب الحرب عنده عرس ----- منه تجفل بالحرب فرسانها

وذيچ الابطال التشوفه تنخرس ----- ينعگد للموت والله السانها

ساعده للحرب من ايشمره ------- ايطير كلمن شافه من راسه الصوب

علي چم جحفل ابسيفه ايدمره ----- ودمهم ايشًربه حيدر للتراب

---------------------------------------

سيف للحگ يد الله الضاربه ------ بقل هوه الله احد هوه انتصر

مايثني الضربه وحده امجربه ----- يطعن ابرمحين شافه كل نظر

علي للجن راده يسلم حاربه ------ واشتكى الجن من علي السيد البشر

شافوا امن السيف دمهم گطره ------- الموت يسگيهم علي چان الشراب

الكل ملك حيدر صبحله مفخره ------- للجهل من هدمًه واصبح خراب

--------------------------------------

علي سر الكون واسرار الوجود ------- نور چان او بالعرش ل الله سجد

والسمه لجله رفعها ابلا عمود ------- أبيت الله شلون حكمه امن انولد

علي هاي الدنيه ماالها حدود --------- غيره ياهو اتصير له الكعبه مهد

للنبي من الطفوله امعاصره -------- لحظه عن المصطفى حيدر ماغاب

ناصر الله او اللرسول ايناصره -------- لان مرظات الله رايد والثواب

----------------
سيد عدنان الحمامي
---
الحمد لله بحمد لايحصى عدده الذي جعلنا من الموالين لعلي بن ابي طالب

عليه السلام

اللهم ارزقنا شفاعته