نزله -- استشهاد الزهراء ع - محكمة عدل السمه
 

المستهل
......
محكمة عدل السمه .. تطلب بحق فاطمه
آه واويلاه – آه واويلاه
....
لابد يكون الحساب ويوگف الجاني ذليل
وبحكم آيات ربنه وآيته تكون الدليل
وآسيا ومريم يحظرن حتى عيسى والخليل
هالعداله امن السماء وهذا دستور الجليل
الجاني قاضي أيجّرمه – محكمة عدل السمه
آه واويلاه – آه واويلاه
....
تجتمع كل القضاة وكل ديانات البشر
والجناة بهل المحاكم مايصح الها مفر
الجاني الاول ياعقوبه بحقه وبذنبه اقر
يصدر بحق القرار أيكون في وادي سقر
بجُرمه من اتكلمه – محكمة عدل السمه
.....
تدري لوغضبت الزهره ألله للزهره غضب
يسئل القاضي المنفذ للجريمه ياسبب
تقتحم دار النبوه وتجمع ابابه ألحطب
أوياك كل واحد عقوبه ابنار يتعاقب وجب
تعاقبه بالحاطمه – محكمة عدل السمه
آه واويلاه – آه واويلاه
......
للدفعها الباب يسئل قاضي والجاني يجيب
آنه للباب أدفعتها ماخفت الله الرقيب
وسمعت آ ضلعلي صاحت لچن ما ألها مجيب
وفجعت بيها محمد هوه للباري حبيب
أدّين ناس الآثمه – محكمة رب السمه
آه واويلاه – آه واويلاه
.....
حتى محسن جلسه يحضر حقه منهم يطلبه
ينطق بقول الامامه احنه اصحاب العبه
والچبير القوم منهم بالجريره ايحاسبه
ماخفت ألله ونبيه الضلع أمي أتصوبه
عله كل قطرة دمه – محكمة عدل السمه
آه واويلاه – آه واويلاه
.....
عالذي آذوا الزهره لو حكم قاضي العدل
روسهم اهل السقيفه من جثثهم تنفصل
ناس لاذمه وظماير قاموا بأبشع فعل
والرضه بهذا فعلهم هذا منهم ينجعل
چفوفنه متسالمه – محمة عدل السمه
آه واويلاه – آه واويلاه
...
سيد عدنان الحمامي

بسم الله الرحمن الرحيم
اللهم صل على محمد و آل محمد الطيبين الطاهرين و عجل فرجهم ياكريم
السلام على مولاتي بضعة المصطفى الصديقة الزهراء عليها أفضل الصلاة والسلام

طيب الله انفاسك وبوركتم أثابكم الله تعالى ورزقكم شفاعة السيدة فاطمة الزهراء يوم الورود
ووفقكم لما يحبه ويرضاه ببركة وسداد أهل البيت عليهم السلام