استشهاد الامام علي الهادي ع
 

--
استشهاد الامام علي الهادي ع
-----

وفاة الامام الهادي ع
--
--
المستهل
-
عالهادي جمرة احزان -- ماتنطفي لهبتها
--
عالهادي جمرات الحزن متوگده
غير احنه النواسيه ماظن عنده
مثل الجواد السم يمرّد چبده
حسره بصدرنه لليوم -- ماتنطفي لهبتها
----
آل النبي بين الذبح بين السم
ياهو الذي من المآسي يسلم
لساعه بالطف كل نحر ينزف دم
وبالخيم لسا النيران--- ماتنطفي لهبتها
----
من بني العباس الظلم ظل لليوم
مابين تشريد وقتل لو مظلوم
متدوم للظالم الدنيه متدوم
لابد جهنم مئواه --- ماتنطفي لهبتها
----
نار الفتن يالهادي لساه تسري
من يوم فجروا گبتك خو تدري
دم الضحايا ابلا سبب ظل يجري
صرخة ظمير المظلوم -- ماتنطفي لهبتها
---
من بني اميه وبني العباس النار
تحرگ لأن ظلمه يحملون افكار
فاجعه خلوا والحزن عم كل دار
ظلمه البصاير واحقاد -- ماتنطفي لهبتها
-----
حللوا دم الرافضي ايسمونه
ننسه ولاية حيدره يردونه
هيهات يالهادي لون ذبحونه
صرخة ولاء ايسمعون -- ماتنطفي لهبتها
---
يالهادي صوت و للولاء اتسمعه
كل شبر مغصوب الوطنه انرجعه
وكل سارق وفاسد اليوم انردعه
ونصب حمم عالسراق --- ماتنطفي لهبتها
----
لابد يجي يوم الذي بي اصلاح
كل سارق ومرتش نهلكه وذباح
وكل الكراسي الفاسده هم تنزاح
غظبة شعب من اتصير -- ماتنطفي لهبتها
--
--
--
اعكيلي
لوفاة الهادي ع
---
للهادي جبناله ابشاره
--
يالهادي ابشارتنه اسمعها
حشد الله الگاعه ايرجعها
ابطال وطيب مرضعها
عالغاصب من شنوا غاره
---
يالهادي الارض الغصبوها
ابطالك بالدم رجعوها
هالغيره العالم شافوها
من داعش ياخذلك ثاره
---
حشد وجيش بهاي الهمه
كل واحد ناذرلك دمه
يالهادي او لاموت ايهمه
واحدنه لو شبت ناره
---
انعاهدكم يالهادي بدمنه
حبكم هوه اليوم ايلمنه
عالحق انموت وميهمنه
للحق كل احنه ثواره
---
يالهادي ومنكم همتنه
كل فاسد ترفض دولتنه
منريد اليسرق حصتنه
كل سارق شاعت اخباره
-----
احرار ونصلح للحاله
ونتخلص من الحياله
للخاين نوگفله اگباله
متنفعه ايقدم اعذاره
----
مانصفوا يالهادي اويانه
بالبوگ الواحد جازانه
متنعم هوه ورعيانه
وعن الناس ايدير انظاره
--
سيد عدنان الحمامي
--
-
-


-

بسم الله الرحمن الرحيم
الَلهّمّ صَلّ عَلَىَ محمدوآل مُحَّمدْ الَطَيبيِن الطَاهرين الأشْرَافْ وَعجَّل فَرَجَهُم ياكريم.
وفقكم الله لخدمة اهل البيت عليهم السلام.ونسأل الله لكم قبول الاعمال.

واياكم التوفيق ان شاء الله

في خدمة الزهراء وبنيها ع

وربي يسلمكم ويزيدكم عطاء في خدمة

محمد وال محمد ص ان شاء الله