تشعر بالامان.. ينطيها الحنان
 

تشعر بالامان.. ينطيها الحنان
الاخت سلوه لخوها من يجيها.. من تشوفه يهون كل هم العليها
تهيج كل اظنونه لو يسمع بجيها
&&&
الاخت نعمة الباري ..لكل اخو يعرف غلاها..لو تصيحه
يعيش وياه بسعاده..بيت واحد وبسماها.. بالنصحيه
تشعر بقمة سعاده..مره لو شي النطاها.. لو يبيحه
تظل مهمومه عليه..تذكر ايامه ورباها..تظل جريحه
هيه بالجنان.. ينطيها الحنان
ياحنان العمر كله من حجيها
&&&
زينب الربت اخوها..وصار كافل للظعن..سلوة عمرها
بالاشاره فهم زينب..تفهمه يوم المحن..لو امرها
سلمها الولي بيده..تحمل عليه الشجن..حامي خدرها
شافت انواع المصايب..عيونه اعليه انعمن..من اسرها
لودار الزمان.. ينطيها الحنان
مثل امه هيه صارت ام اخيها
&&&
تحملت زينب مصايب..البشر ماشال منها..فكد ابوها
بالزغره امه اتركته..والابو من رحل عنها..راح اخوها
والكفل ظعن الهواشم..اشكثر لن زاد ونها..من سبوها
اطفال وهموم ونساء..والمصايب من ولنها..من قيدوها
وبنفس المكان.. ينطيها الحنان
تصيح سكته بصوت من تندب وليها
&&&
ابوفاضل لاأخته ناده..بلغها عل الرحيل..من كفلها
صاح يازينب تعالي..انه ياخويه الكفيل..حط حملها
انتي ياسلوت حياتي..وياج ياخويه دليل..وهوه ظلها
الج منذوره جفوفي..بيه لن ماي السبيل..ما بخلها
يالبيج الحسان.. ينطيها الحنان
هيه تسمع من اخوها ابين اديها
&&&
زينب الحره واخوها..صارت ادورس وعبر..بين النفوس
شلون زينب والكفله..وصلت لماي النهر..شافت دروس
ضحه بجفوفه لجله..وجف عالنهر انبتر..طاحت الطوس
وصه لزينب وصيه..ابو فاضل من حضر..يوم الجلوس
اصدر هالبيان .. ينطيها الحنان
تبجي لو مره انذكر اسمي عليها
&&&
خادم اهل البيت
ابو علي السعيدي