نحيها المنابر..بالبث المباشر احنه بمولد الحجه
 

نحيها المنابر..بالبث المباشر
احنه بمولد الحجه
&&&
شنهي كرونه تمنعنه..خل الكون يسمعنه..حب الحجه يجمعنه
من خلف السواتر.. بالبث المباشر
احنه بمولد الحجه
&&&
احنه لمه سوينه..كل بيت ورفع زينه..نحي ذكره مهدينه
شوفوها المناظر.. بالبث المباشر
احنه بمولد الحجه
&&&
اهلي وناسي واخواني..بالبحرين شافاني..وبعمان هناني
ومن اهل الجزائر.. بالبث المباشر
احنه بمولد الحجه
&&&
القطيف وشيعة البحرين..واهل الحسه مبتهجين..تهني اليوم ابو الحسنين
زفتها البشاير.. بالبث المباشر
احنه بمولد الحجه
&&&
نشكر لمت الاخوه.. القناة وصاحب الدعوه..ومني اسمع الجلوه
اصحاب الضماير.. بالبث المباشر
احنه بمولد الحجه
&&&
لازم نحي مولدنه..حب المهدي وحدنه..هناك جان موعدنه
نهنيها المزاير.. بالبث المباشر
احنه بمولد الحجه
&&&
ندري الامر مايصعب..علينه هواي يترتب..بحبهم احنه نتعذب
يجبرون الخواطر.. بالبث المباشر
احنه بمولد الحجه
&&&
احنه ويانه منشدنه..قناة العتره تجمعنه..لو رايد وتسمعنه
نحيها الشعاير.. بالبث المباشر
احنه بمولد الحجه
&&&
هدف عدنه نريده..ومن بيت القصيده..بهل الذكره السعيده
نتحمل مخاطر.. بالبث المباشر
احنه بمولد الحجه
&&&
خادم اهل البيت
الحاج ابو علي السعيدي