وي القافله رجعنه؟للاربعين
 

وي القافله رجعنه..ولكربله كصدنه
وياي من جبت الاهل..اتشيل رايات الكفل
ياعباس
&&&
الكربله ام الحزن تحزمت احزام ام العله
تلاكي هيه ام الخدر الرجعت لخوها بقافله
وتصيح والدمعه تهمل جينه نواسي العايله
اتعزي بالنوح ولطم وتصيح ويل اهل البله
من توصل بسلامه..تتوسل بحسامه
وتصيح وتنادي بعجل..اتشيل رايات الكفل..ياعباس
&&&
مشايه كصدت بالحزن والعين عدها هامله
تواسي زينب والحرم وتواسي كلها العايله
وتدخل ضريحه وتبتهل وتسمع نحيب القافله
معروف عدنه هالخبر وضحت اطراف المسئله
المسئله الاخيره..جف الوفه والغيره
وتنادي وينك يالامل.. اتشيل رايات الكفل..ياعباس
&&&
اجموع وصلت للحرم تحي مصاب الملحمه
وتنادي يارب العرش نسل الصميده وفاطمه
حزن ويانه البشر وتبجي حزن حتى السمه
وتصيح وتنادي بغضب اجموع الاجت للظالمه
وهذا الحجي تعيده..بلهجت غضب شديده
وتصيح ياخير العمل.. اتشيل رايات الكفل..ياعباس
&&&
راعي العلم ماتعلمه وصلت وفود اتناصره
بالكلب اسمه اللي انكتب الشيعه يوم التذكره
عباس ياغيرت علي وابن الوفيه الطاهره
قدم جفوفه ابن الفحل معروف سبع الكنطره
معروف هيه غيرته..والوفه جزء مروته
لن باقي اسمه للازل.. اتشيل رايات الكفل..ياعباس
&&&
زوار كصدت للنهر ماي النهر وتخاطبه
وي زينب بهذا الالم شالت الماي تعاتبه
اتكله ياماي اتعرف شنهو بعدها العاقبه
تحرم بنات ابن النبي وبجبده انته تصوبه
ظلت الك علامه..بكلوبها الامامه
ياماي ماتعرف خجل... اتشيل رايات الكفل..ياعباس
&&&
يانهر جينه انعاتبك واسمع حروف اعاتابي
كل سنه وكل عام النجي تسمع صدها اجوابي
استمع مني يانهر لوعه وحنين امصابي
تعرف الجاري وماجره وشكثر بيك اسبابي
يمعطش السبايه..بيك اشكثر رزايه
عطشت ياماي الاهل.. اتشيل رايات الكفل..ياعباس
&&&
خادم اهل البيت
ابو علي السعيدي