|
عيني اعله جف العباس -- طلب الحوائج
طلب الحوائج في حق العباس ... ... .. . المستهل ... عيني اعله چف العباس -- منه اريد امرادي رايه خذت خضره اوياي – واليمه ينشدني الجاي .... عيني اعله گبتك باوعت – من البعد شفت انوار كل واحد وبيده علگ -- يمك يجون الزوار گلت آنه يمك أعتني – واحسبني عندك خطار وأطلب يبو چف السخي – يالماتقدم أعذار كل واحد اليتعناه – مايرد لهله فشلان وآنه رحتله عناي – واليمه ينشدني الجاي منه اريد امرادي .... يالچفك أيفيض الخير -- والوادم اتعلقت بيه وشكثر چم واحد جاي – يمك تعنه وتنطيه من والدك خصله البيك – كل معوز اتحن أعليه مثل أمك ام الطيبات --- حاير ابد متخليه ام البنين ام الطيب – امك بعد معروفه والناس تنخاها اهواي --- واليمه ينشدني الجاي منه اريد امرادي ..... يالكرمّت كل الناس -- من كل جنس من كل لون متفرق الهذا أوذاك --- تسمعهم اشمايردون والعدهم اهموم وعوز -- منك امراد ايحصلون عامر مظيفك عباس--- يستقبل اليتعنون ونته بعطائك معروف --- ياللي كرمت الچفين مهموم اجيت ابدنياي – واليمه ينشدني الجاي منه اريد امرادي ..... چفوفك مناير شاخصه – وكبتّك كعبة محتاج وهاي الملايين التجي – كلها تطوفك افواج مشتاگه كلها ازيارتك – بالزحمه مثل الحجاج حتى الملك من يعتني – وبعتبتك يحني التاج وبحظرتك كلها اطوف – كل معوز وكل مظنوك ومذهول من عندي الراي -- واليمه ينشدني الجاي منه اريد امرادي .... بالفضل فظلك معروف – تشهد بفظلك دنياك وهاي الكرامه المعبود – يابا الفظل هوه انطاك رادك وسيله الهل الناس – وقاضي الحوايج خلاك متفشل اليمك جاي – متخيب اللي ينخاك وآنه اجيتك هاليوم – بيه هظم بيه اهموم أويه الناس اجيتك مشاي – واليمه ينشدني الجاي منه اريد أمرادي ....... يمك يخو زينب جيت – من الوكت بيه اجروح تسمعني بسمك ناديت – أبشباچك امعلگ الروح بيك ادري تزعل عباس – لو شفت دمعي المسفوح بس آنه راح أبقه أهنا – يمك اظل وماروح وآخذ عطائك بالاييد – فشلان ماصدك هاي بمرادي كحل عيناي – واليمه ينشدني الجاي منه اريد امرادي -- سيد عدنان الحمامي |
| الساعة الآن 07:14 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010