وفاة الامام علي ع .. من بعدك يوالي .. بجروح الليالي
 

...
المستهل
....
من بعدك يوالي .. بجروح الليالي
فگدك صعب ميهون .. ياحيدر يغالي
....
ياعلي فگدك هظمنه الدنيه كلها بعازتك
شلون تصبر هاليتامه أعليها صعبه فرگتك
للارامل أنته والي أبو ألها رادتك
واليتيمه من تشوفك بويه حيدر نادتك
بعوزك من عفتهم .... ونته الدللتهم
والعطفك يحنون .... ياحيدر يغالي
.....
طفله ويتيمه أجتي الباب دارك ياعلي
تگول وينه الچان أبويه بشوفه همي ينجلي
منه چنت أطلب الحاجه أيگلي بنتي أتدللي
مأمنه آنه بوجوده خيمه چان ألنه ألولي
چفوفه اللي تلمنه .... وهسا ماكو يمنه
أيتامك ينشدون .... ياحيدر يغالي
.....
ياعلي صايم نهارك للذي وحده أنعبد
قايم الربك تناجي الواحد الفرد الصمد
الله هوه الكل فقير أختارك أتكون السند
وين أبو يلگون مثلك يعطف أعليهم بعد
فقدوا كل أملهم .... بعدك ياهو اللهم
مثلك وين يلگون .... ياحيدر يغالي
.........
غيابك أعليهم يحيدر يومهم صار بسنه
شلون أبن ملجم بسيفه ياعلي يمك دنه
وسيفك بغزواتك انته چم بطل سيفك فنه
ثبت الدين وأساسه ومنهجه سيفك بنه
ساجد وبصلاتك ... بالضربه مماتك
بحربك مايگدرون ... ياحيدر يغالي
....
عالحسن وحسين فجعه أتيتموا يابا الحسن
وزينب أيتيمة الزهره غيابك أتحمله شتظن
ياعلي فگد أمها ونته مصيبتين أتوالفن
چم رزيه أأتشوف بعدك وشكثر من المحن
خلافك هالحبيبه ... أيسموها الغريبه
بالطف ألها يسبون ... ياحيدر يوالي
.....
وداعة الله تصيح زينب بويه روح الفاطمه
سلم ألنه أعليها بويه وتبچي من أتكلمه
بثوب الاسود گلها زينب عگبچ ودمعه دمه
وخيمة أحزان ونوايح فوگ راسي أمخيمه
للزهره سلامي .... هذا آخر كلامي
بويه نور العيون .... ياحيدر يوالي
....
سيد عدنان الحمامي