:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   قصائد هلال شهر محرم ووصول الحسين ع الى كربلاء (http://www.adnanalhamame.com/vb/forumdisplay.php?f=59)
-   -   اجه عاشور واشو ماجيتو.. وين يحباب (http://www.adnanalhamame.com/vb/showthread.php?t=12449)

سيد عدنان الحمامي 01-30-2021 11:23 PM

اجه عاشور واشو ماجيتو.. وين يحباب
 
المحرم
...
للشهداء
...
المستهل
....
أجه عاشور وأشو ماجيتوا ... وين يحباب
حسره ليش بكل گلب خليتوا – وين يحباب
بهل العزه كل غالي --- مچانهم ظل خالي
وين يحباب
......
وين يحباب الگلب – عيونه اتظل عالدرب – ليش غياب
چنه من نلطم سوه – انتو شمعات الضوه – ولله يحباب
أگضيتوا ويانه عُمر – وأحنه بثياب الصبر – نحيي المصاب
نلطم بكل عزه أحنه أوياكم
اليوم أجينه وبعد ماشفناكم
صور هاي اگبالي – امچانهم ظل خالي
وين يحباب
.....
أعليكم الموكب نشد – ونتو ماجيتوا بعد – أي يخدام
بحزن ظلينه وعتب – غبتوا يحباب اشسبب – وبينه آلام
وسفه كل شاب اختفه – وبگبر وحده صفه – وبلحد نام
احنه متعلمين انتوا أويانه
نشوف كل غالي هذاك امچانه
كل وجه يبرالي – أمچانهم ظل خالي
وين يحباب
....
وين ايام المظن – وبعزه أم الحسن – كلكم اهنا
الجاسم اعلگتوا الشمع – وبصوانيكم دمع – لامننساه
بزفته ظلت صور – ماتغيب امن النظر – بزفته أوياه
رمله أم القاسم اتواسوها
يمه ذكريني شكثر تقروها
بصوت زفه وعالي – أمچانهم ظل خالي
.....
بالخدامه الكم أثر – باقي والطول الدهر .. بموكب حسين
شرف مامثله شرف – نلتوا بي اعله الغرف – وحورها العين
كل سنه ايظل الذكر – أبد لا مايندثر.. أي يطيبين
نشوفكم بالعزه أويه اللطامه
ويوم عاشر من ضربتوا بقامه
ودمكم أمن ايلالي – أمچانهم ظل خالي
وين يحباب
.....
چفن كل واحد اله – على طوله ايفصله – ونحد قامات
نطبر بوكت الفجر – لمن بحزنه يطر – على الهامات
اليوم كل واحد عدل – ويانه عايش بالفعل – عدل مامات
كل شهيد المنكم اعيونه تشوف
روحه فوگ الموكب اويانه تطوف
بالخلد للتالي --- مچانهم ظل خالي
وين يحباب
....
حسين يحظر للمحب – يروح مغفور الذنب – يسر عينه
وفاطمه الزهره بعد – مسجله اسمه عالوعد – تنادي وينه
الها من ألله الامر – تشفع بيوم الحشر – ذخر لينه
للمحب ماتنسه ابدن فاطمه
وبيد رضوان اليحبها اتسلمه
وكل حبيب ا والي -- -- مچانهم ظل خالي
وين يحباب
.
سيد عدنان الحمامي


الساعة الآن 01:20 AM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team