لشهادة السيدة الزهراء عليها السلام
مصحف اضلوع
-----------------------------
مصحف اضلوع ابهضم نتصفحه
نقرا ضلع ام الحسن بيه فـــــاتحه
من ورا البــاب وجدار البسمله
وصدق (الله) العظيم ابكربلــــه
مصحف اضلوع ابهضم نتصفحه
@@@@
سورة الاضلاع من نقراها نقراها ابهضم
انرتل الآيـــــــات كل آيه ابدمعنه المنسجم
منها تتــــألم مشـــــــاعرنه وتوصل للعظم
مدنيّه السورة واسبـاب النزول امن الظلُم

والفواصل كلها صارت واضحه
كل تفاصيل الجريمه فاضحه

والمدامـــع من قرتهـا هـــــــامله
صدق ( الله ) العظيم ابكربلــــه
مصحف اضلوع ابهضم نتصفحه
@@@@@@
نـــــازفات احروف هالسوره اونزفها من دمه
نزلت ابساعه رهيبه اعله صدرها فـــــــاطمه
امدونه اباب الثجيل الصك صدرها اوهشمه
يكتب المسمــار آيــــه و سهم بـــالطف تممه

والتراتيل الحزينه نـــــــايحه
تقرا بعيون الرزيه الشابحه

والمهج وسط الحنــــــــايه معوله
صدق ( الله ) العظيم ابكربلــــه
مصحف اضلوع ابهضم نتصفحه
@@@@@@@
سوره من هـــــــاي السور تروي لنه قصة يتم
تحچي عن حال الي من امه اوحظنها منحرم
مو عجب لو گلبــــه من هول الرزيــــه ينخذم
موعجب جرحه الى يوم الحشر مــــا يلتـــــأم

هذا حــــــال ايتام فاطم شارحه
الدمعه منهم بالضماير جارحه

صعبه لو طال البعد يتحمله
صدق ( الله ) العظيم ابكربلــــه
مصحف اضلوع ابهضم نتصفحه
@@@@@@@


سورة اليفگد حبيبه ويبگه عمره منفجـــع
من يغسلها علي غسلها من فيض الدمع
من يمر ابـــإيده ويحس ابمعاناة الضلع
مـانلومه من غشه لـو منه گلبه ينصدع

هــــــــالمصيبه اسست للفادحه
الكربله السبط النبوه اتصارحه

هالسور بالطف تصيرن كامله
صدق ( الله ) العظيم ابكربلــــه
مصحف اضلوع ابهضم نتصفحه
@@@
سورة الطف الحزينــــــــه الحيرت كل العقول
من وگع سبط النبي ع الگاع وادوسه الخيول
وابحوافرها الحديد اعله الصدر تعدي اوتجول
طحنت اظلوعه يويلي من جره الخطب المهول

يــاعذر للگوم يوم الصـــــائحه
ياسبب للباري عدها اتوضحه

هذي آخـــر سوره فيه امرتلـــــه
صدق ( الله ) العظيم ابكربلــــه
مصحف اضلوع ابهضم نتصفحه
-----------------------------
ثامر بوجبارة الاحسائي