:: منتديات السيد عدنان الحمامي :: - نعزيك إبخديجه يانبي ( في وفاة ام المؤمنين خديجه رضوان الله عليها )

بسم الله الرحمن الرحيم
اللهم صل على محمد وآل محمد وعجل فرجهم

نعــزيـك إبخديجـه يانبي ( نصاري نواعي ) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
نعزيك أبخديجه يانبي اليوم === ندري بيك يامولانه مهمــوم
ــــــــــــــــــــــــــــــــــــــــــــــــــ ـ
ندري بيك مهموم الفگــدهـــــا == خديجه ما وصل واحد الحدها
إنطــَت للهـُدى كـُل مال عدهـــا == عليها الدين يبچــي ناح مهضوم
ــ
عليها الدين يبچــي صار مجروح == والزهـــــــره الشفيعه اليوم بالنوح
على أمها تــُون مهمومة الروح == فگــدتهـــــا إو دمعها إيسيل للدوم
ــــــ
فگدتها إو بعد مـَتــْشوف أمها == زغيــره وإبتده الزهراء همها
وبوها المصطفه إبحسرات ضمها == يواسيهـا النبي إو دلاّلــَه ملچــوم
ـــ
يواسي فاطمه الزهره أبوهـا == على فگــد الحبيبه الوَدّعوها
خديجه الطاهــــــــره المافارگوها == سنين إطوال والشر بيهم إيحوم
ــــ
سنين إطوال ظلت تخدم الدين == تفــدي المــــال للأسلام وإتعين
أبد ما قــَصـّرت وَيــــّه المسلمين == إخــــلاص النقيــّـــــه صار معلوم
ــــ
إخلاص إو كرم ما حــَدّه أي حــَد == خديجــــه سانـــــدت مولانه أحمد
تفتح بـــــــــاب لو بيبـــــان تنســـد == تداوي إجروح أحمد من أذى الگــوم
ـــــ
تداوي إجروح أحمد بالمـَحنـــــــّه == تعينه من تحل بالروح مـِحــْنــَه
عليها نعلن الأحزان إحــْنـــــَه == والينكر خديجه إيصير مذموم
ــ
والينكر خديجه إيصير شيطان == أم المؤمنيـــــن إو عاليه الشان
جازاها القدير إو أنزل أكفـــــــان == وإنطاها الشفاعه إو نور موسوم
ــــ
وإنطاها الشفاعه الخالق البـــار == بالجنـــّه المقام إو واسعه الدار
محبها ما يشوف الضيم والنار == هــاي أم الشفيعه التجلي إلغيوم
ــــــــــــــــــــــــــــــــــــــــــــــــــ ـــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldoyp75722.mp3.html