:: منتديات السيد عدنان الحمامي :: - عين البجت لجل حسين -- يوم الحشر مسروره

المستهل
....
عين البچت لجل حسين ... يوم الحشر مسروره
....
خل تبچي عينك لا لتبخل عينك
شمعه تصير الدمعه لجل حسينك
متوفي حتى لو بچيت أسنينك
باچر أملاگه يصير بينه وبينك
وبشوفته ايفرح العين ... يوم الحشر مسروره
....
شمعه بضواها دمعتك هاي اتصير
للحزن هاي الدمعه أخلص تعبير
بيها أجر ماينوصف أجر أچبير
من الفزع باچر تأمن متحير
وتشاهد الحور العين ... يوم الحشر مسروره
.....
دمعاتك الزهره غدا تحفظها
بحسابك ايصيرن الك تفرضها
واعله الخلايق بالحشر تعرضها
بس للحسين وغيرها ترفضها
مبتشره أهناك أموالين .. يوم الحشر مسروره
.....
اٍبچي لتبخل عالترضرض صدره
وبكل عزه بصدرك تلوج العبره
روح النبي حسين وعزيز الزهره
چم طعنه بي ماتنحصي وچم طبره
للزهره ناس أمعزين ... يوم الحشر مسروره
......
واسي بدمعتك فاطمه واسيها
بحرگة گلب هالدمعه من تجريها
ضلوع الحسين بمصرعه مكسريها
بس جثه ظل وراس ماظل بيها
ياعين لمن تبچين ... يوم الحشر مسروره
......
خلي الجفن من المدامع يغفه
عالذي گطعوا خنصره من چفه
وخل نار حزنك للابد ماتطفه
ولا جرح گلبك عالمصيبه يشفه
ناس البچت لجله سنين ... يوم الحشر مسروره
....
عدنان الحمامي
...