|
رقيه والدمع مافارك اعيوني --- تجليبه
تجليبه --- في حق رقيه بنت الحسين ع
---------- ---------- رقيه والدمع ما فارگ اعيوني واسوني يشيعه ابدمعه واسوني -------------------- واسوني ابدمعكم انه بنت حسين رقيه والعمر ياشيعه خمس اسنين ياهو اتشوف ابوها ينذبح بالعين وانه شفت ابويه انذبح بعيوني -------------- بعيوني شفت كل اخوتي نومه انحور ا امگطعه ابلا روس بالحومه مهظومه اعله اخوتي شلون مهظومه ياشيعه اسولف بعد خلوني ------------------- خلوني اسولف بالطفوف اشصار انه ابخيمتي والخيمه تلهب نار اخوتي امذبحه ومذبحه الانصار وعبدالله انذبح بالنبله راووني ---------------- راووني اخويه اليرتضع مذبوح نيمته ابحظني وهوه مابيه روح يم مهده اسمعت امي تون وتنوح يبني اتگله منك ليش حرموني -------------------- حرموني اسمعتها وتلطم اعله الراس وعمتي زينب امن اتعاتب العباس يبو فاظل تگله اشرار هاي الناس ترضه ابخيزرانه ابمتني ضربوني ------------------------ ضربوني تگله وابچي من اسمع رحت للماي لختك ماگلت ارجع ورمله اعله الشباب الزفته ابمصرع اتگله بيك يبني اعداي فجعوني ----------------- فجعوني لبويه من رحت يمه عله التربان يجري امن النحر دمه طحت اعليه ابنحره گمت اشتمه يبويه ريت گبلك عسن ذبحوني ----------------- ذبحوني گبلك من عسن ياريت ميته ابكربله گبل اخوتي اتمنيت او لا للشام انه اميسره امن امشيت للشامت الحادي حده بضعوني ------------------ بضعوني حده وطبينه لرض الشا م ارامل يم يزيد ابمجلسه وايتام وجابوا راس ابويه بطشت هالظلام طحت فوگاه ميته ابظيمي شافوني ---------------------- سيد عدنان الحمامي |
اللهم صل على محمد وعلى آل محمد
احسنت سيدنا الغالي وطابت أنفاسك وربي يوفقك لهذه الخدمة المبارك |
جميل ما نثرت هنا سيد عدنان المبدع من حروف وعبارات لا مست الابداع في طرحها سلمت الأنامل التي خطت لنا هذه المفردات الراقية كعادتك لا تقدم الا الرائع.! |
بضعوني حده وطبينه لرض الشا م
ارامل يم يزيد ابمجلسه وايتام وجابوا راس ابويه بطشت هالظلام طحت فوگاه ميته ابظيمي شافوني ربي يبارك بيكم ويديم هذا الحس الحسيني الرائع |
الله الله الله الله الله الله الله الله الله الله الله
الله الله الله الله الله الله الله الله الله الله الله جمييييييييييييييييييييييييييييييييله جدا جدا جدا جدا جدا جدا جدا هاي القصيده للسيده روحي وارواح العالمين الها الفداااااء ونترقب منك كل جديد من ابداعتك الرائعه والمميزه تحياتي ودعائي |
ابونا الغالي طيب الله انفاسك لهذه الخدمه الحسينية واجرك علي قاضي الحوائج
ابا عبدالله الحسين عليه السلام |
| الساعة الآن 08:32 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010