:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   قصائد الاربعينية (http://www.adnanalhamame.com/vb/forumdisplay.php?f=68)
-   -   للزياره -- يالرايح تزور حسين -- عند الحسين ادعيلي (http://www.adnanalhamame.com/vb/showthread.php?t=11855)

سيد عدنان الحمامي 10-06-2019 04:24 AM

للزياره -- يالرايح تزور حسين -- عند الحسين ادعيلي
 
...
للزياره
...
ميمر
....
المستهل
...
يالرايح تزور حسين .... عند الحسين ادعيلي
...
يالرايح بدرب العشگ مشايه
عندي وصيه وهاي عندي أحچايه
لحسين لهفه وشوگ بيّه أهوايه
اعگدلي ونته ابمرقده فد رايه
لاتنسه يبن الطيبين... عند الحسين أدعيلي
.....
ونته بضريحه من تطب احچي اوياه
يابو علي گله المحب لاتنساه
ودي عليه لزيارتك سر عيناه
يزورك وكل هذا الذي يتمناه
وبصحنك ايسر العين ... عند الحسين ادعيلي
.....
يالحبك بگلبي سكن والاحساس
كلمن يحبك بيك مرفوع الراس
يالمرقدك كعبه وتطوفه هالناس
شوگي الك يابو علي ماينقاس
مشتاگ اله من أسنين ... عند الحسين ادعيلي
....
هاي الرساله من محبك گله
هذا المحب عنك فلا يتخله
يحسين هالمشكل يريد اتحله
شوگه الك يحسين راح أيسله
أتمنه عندي الجنحين .... عند الحسين أدعيلي
......
مشتاگ اطوفن حظرته ورحابه
والطم على وجهي امن أطب لعتابه
حسين الذي يفوز الدخلها البابه
اي وحگ الله وقدرته وكتابه
للزهره هوه ارياحين ... عند الحسين ادعيلي
.....
ادعيلي وأدعي لليريد ايزوره
سبعين حجه أزيارته مذكوره
فاز التبرك بالحسين ونوره
ذنوبك ببو اليمه غداً مغفوره
يمته الوعد يمته أيحين ... عند الحسين أدعيلي
....
يازاير ادعيلي عليك الزهره
يوم الازوره بلهفتي منتظره
أوصل لبوا ليمه وأطب للحظره
وتتكحل أعيوني الضريحه اتنظره
ماظل صبر بيّه أمنين ... عند الحسين ادعيلي
.....
سيد عدنان الحمامي


الساعة الآن 02:50 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team