كلبي يمليه الحنين ؟؟يمه
 

كلبي يمليه الحنين..يمه
اشتاك كلبي للحسين..يمه
نوحي مثل الفاكدين..يمه
&&&
ليش يايمه الدهر فعلاته شينه..بينه حد سيفه الكفر حربه علينه
من سفر وهموم يمه اتعذبينه..ريت يايمه بقينه ولا اجينه
حلمي انه اشوفه كل صبح
حلمي ليش ابوي المنذبح
حلمي صار بس نوح وانين.. يمه
&&&
شفت يايمه المأسي من زغرنه..من صبر عمتي العقيله لن صبرنه
الكفر منهم خذينه كل حذرنه..عمتي وصتني وصيه وبااسرنه
بنتي ..يوم نرجع للوطن
بنتي.. وياي باريه الضعن
بنتي.. اتركي هسه الانين.. يمه
&&&
الجره هوايه علينه ويا ظلمهم..والاشد واصعب علينه يافعلهم
حركو اخيام العلينه وباجمرهم..اشتعلت بكلبي لهيبه ياسهم
دمعي ..ينزل بحين الاون
دمعي.. شكثر يايمه يحن
دمعي.. حيل عذبتني السنين.. يمه
&&&
من شفت اختي رقيه عالطشت..ماتت بغربه وحيده هم نحت
صحت يابويه غريبه من صحت..حيل مهمومه وعليه من طحت
بوية ..شوف وبعني الدمع
بوية ..مثل كطرات الشمع
بوية.. كلبي يمها ظل رهين.. يمه
&&&
انه سكنه والالم بيه جبير..احملته يمه والزمن جدا عسير
ابين حارات الرذيله من نسير..والكلب مهمومه يمه وهم حسير
عفته..كلبي يمك يافحل
عفته.. الامل طاح الكفل
عفته.. عمي ابن ام البنين.. يمه
&&&
ودعت يمه ابوي بليله ظلمه..بنحره يايمه ردت يايمه شمه
ردت يايمه اشيله باايدي سهمه.. انحني يمه عليه بصدري اضمه
عمري.. كلبي وظهري انكسر
عمري.. اعيش محنية ظهر
عمري.. ابجي والظم باليدين يمه
&&&
خادم اهل البيت
ابو علي السعيدي