![]() |
ليلة الوحشه .... زينب بگت متحيره
المستهل >>>> زينب وحيده بكربله زينب تباري العايله زينب بگت متحيره ......... ياعلي خلصت زلمنه ضامي ذبحوه ويه ضامي وآنه لاخيمه العليّه للستر حرگوا خيامي صوتي بح أمن المصيبه والجفن يابويه دامي چم طفل خيل وتسحگه ابلا رحم وبلا محامي محتاره بطفال وحرم لاظل خدر لاظل خيم تنخه يسبع الگنطره زينب بگت متحيره -- انفض اترابك يحيدر الكربله أتگوم وتجينه وحدي مابين المصايب ردتّك الحالي تعينه هذا مجرم بويه شفته وراس الحسين ابيمينه وهذا واحد گلي طفّوا بالسهم عباس عينه بالمصرع تشوف الدمه وتندب ييمه فاطمه گطعوا وليدچ منحره زينب بگت متحيره -- بويه والذبحوا أخوتي للخيم بالنار أجونه فرهدوا أول خيمنه ابلا رحم ويسلبونه وآنه بس أدفع وأشاگف بالسياط ايضربونه بويه شتموني أمن أگلهم حيدر الكرار أبونه وتنادي ياعقد الوله بويه تعاال الكربله بس الجثث ومطشره زينب بگت متحيره -- هوه لو عباس أخويه ياعلي حي باقي يمنه من گدر يوصل يحيدر يجسر او يحرگ خيمنه گطعت أچفوفه المنيه الچانت اچفوفه التلمنه ياعلي او عينه رماها الرامي وبسهمه هظمنه چفينه طاحم والعلم والعين صابوها بسهم گلبي بعد شيصبره زينب بگت متحيره -- ياعلي ايتامي كلها اتطشرت ياهو اليلمها بويه هاي اهناك طفله بحافر الخياله دمها بويه هاي اهناه رضيعه نايمه يم جثة امها بويه واطفالك يحيدر عين للجود وعلمها -- يابويه شيفيد الدمع جاسم والاكبر مصرع ظلوا جثث فوگ الثره .......... بويه والحرگوا خيمنه وذبحوا القاسم والاكبر همه سلاّبه اجونه والحرم تلگاها بالبر جيب ماي وخيمه النه من تجي يمنه يحيدر ترضه أدري لا مترضه بين أجانب تبقه خدّر ياعلي بعد شتنتظر يسبوهن ابنات الخدر للسبي كل مخدره زينب بگت متحيره ........... سيد عدنان الحمامي-- |
الساعة الآن 09:50 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010