:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   قصائد هلال شهر محرم ووصول الحسين ع الى كربلاء (http://www.adnanalhamame.com/vb/forumdisplay.php?f=59)
-   -   زيارة الحسين ع ..... ياصاحب المصيبة الراتبه (http://www.adnanalhamame.com/vb/showthread.php?t=11762)

سيد عدنان الحمامي 07-07-2019 12:32 PM

زيارة الحسين ع ..... ياصاحب المصيبة الراتبه
 

بسمه تعالى
-----

.... المستهل
,.....
ياصاحب المصيبة الراتبه
أيا صريع الدمعة الساكبه
ياوارث النبي .... وفاطمه وعلي
........
يحسين ياللي غانمه أزيارتك
أشتم عطر جنه أمن أطب حظرتك
عتبة شفاعه للدخل عتبتك
والله الدعاء ايقبله من گبتك
من زمزم الزاير غدا مشربه
آيا صريع الدمعة الساكبه
ياوارث النبي ... وفاطمه وعلي
......
يالشيبته اتخضبت بفيض الدمه
ليلة الجمعه تعتني فاطمه
صك القبول الزاير اتسلمه
وجدك محمد باچر ايكلمه
واللي تگصدك ماترد خائبه
آيا صريع الدمعة الساكبه
ياوارث النبي .. وفاطمه وعلي
.......
يالذي مجدك للسماء اعتله
وثوب الشفاعه ايدك اتفصله
كل نبي ومرسل يعتني الكربله
ويلعن شمر ذي الجوشن وحرمله
يالجثتك لا راس ومسلبه
آيا صريع الدمعة الساكبه
ياوارث النبي ..وفاطمه وعلي
.....
يحسين ألله هوه من قدسك
وتاج الخلود بكل فخر لبسك
لولاكم الله للسمه مامسك
والجنه هيه أ معطره بنرجسك
تحت الكساءً الخامس اهل العبه
آياصريع الدمعة الساكبه
ياوارث النبي ... وحيدروعلي
......
ياللي تربتك سيدي طاهره
كثره الملايين الالك زائره
بيها زرعت نفوسها الثائره
كل عبد دمك هوه من حرره
والنخوه بينه أثمرت والأبه
أيا صريع الدمعة الساكبه
ياوارث النبي.... وفاطمه وعلي
.........
عالعهد نبقه سيدي عالعهد
لزيارتك مانخلف الها وعد
يترك محبتك ماكو بينه أحد
نموت اعله حبك وحق الله الصمد
بسوح الولاء احبابك أمجربه
أيا صريع الدمعة الساكبه
ياوارث النبي ... وفاطمه وعلي
,,......
سيد عدنان الحمامي


الساعة الآن 12:15 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team