:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   قصائد الاربعينية (http://www.adnanalhamame.com/vb/forumdisplay.php?f=68)
-   -   عٍبره لمن اعتبر-- تتمسك باهل البيت -- بالك تزل اجدامك (http://www.adnanalhamame.com/vb/showthread.php?t=11858)

سيد عدنان الحمامي 10-06-2019 04:29 AM

عٍبره لمن اعتبر-- تتمسك باهل البيت -- بالك تزل اجدامك
 

عٍبره لمن يعتبر
.......
ميمر
..
المستهل
....
تتمسك بأهل البيت ... بالك تزل أجدامك
.....
بحبهم توضه وللصلاة أنويها
هذه صلات العاشگ أتصليها
هالدنيه غير أل النبي مابيها
باقين همه الدنيه من يفنيها
همه الصلاة بكل بيت ... بالك تزل أجدامك
.....
وين وصلت مهما أوصلت لاتنغر
لاتشعر انته شكبرك وتتكبر
الفوگ الجبل مهما عله يصير أزغر
خلي التواضع وبحياتك معبر
لتذيعه خير السويت ... بالك تزل أجدامك
.......
يالرايد اتفوز وتحصل الدارين
تمسك بآل المصطفى أتمسك زين
عنهم لتغفل لاتدير العينين
توجه بوجهك واسلك بدرب حسين
بحبهم لون أتوضيت ... بالك تزل أجدامك
........
لتشّهر بكائن يكون اتصغّره
بحالك تظل او لاتدور شهره
قدرك احفظه الغير يعرف قدره
ماتعرف اتفوج النهر لتعبره
قرآنك شگال أنسيت ... بالك تزل اجدامك
......
درب النجات البيهم اليتمسك
منهج قويم وللجنان المسلك
والغرته الدنيه بمتاهه يهلك
فاز الذي حب فاطمه يتملك
وبهل الدرب من أمشيت .... بالك تزل أجدامك
.......
نمام لتصير وتشيل الغيبه
گول الرطب عالي والي شيجيبه
معروفه رده للبدالك طيبه
جازيه بخير او لاتجازي بريبه
تفوز الفضل لو رديت ... بالك تزل أجدامك
........
شوف البسيط شلون الله ايوفقه
باخلاقه وباعله المراتب يرقه
ميحب تناحر مايحب الفرقه
بذراعه جهده والجهد ميسرقه
ناصح اله امن اتمنيت ... بالك تزل أجدامك
......
لوشفت يتوفق شخص لتحسده
معروف الك لوعمل كون اترده
والواشي من تسمع وشايه اتبعده
ينتبه ساعتها ويگف عد حده
زين العمل لو اديت ... بالك تزل أجدامك
.......
الزم طريق العتره أهل القرآن
همه طريق الرشد درب الايمان
همه النجاة امن الجهل للانسان
همه الفروض الواجبه والاركان
وبهالدرب انته امشيت ... بالك تزل أجدامك
.......
سيد عدنان الحمامي


الساعة الآن 05:33 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team