:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   أشعار الحمامي للشهادات والوفيات (http://www.adnanalhamame.com/vb/forumdisplay.php?f=3)
-   -   استشهاد الجواد ع -- بطوس ارضا ينعاك (http://www.adnanalhamame.com/vb/showthread.php?t=11763)

سيد عدنان الحمامي 07-27-2019 11:10 AM

استشهاد الجواد ع -- بطوس ارضا ينعاك
 

المستهل

--

بطوس الرضا ينعاك -- يوليدي ألله أوياك

يبني الجواد أتروح -- مثلي الچبد مجروح

يوليدي الله اوياك

--

من چبد بالسم تگطع من غريب أمفارگ أبنه

أمن الرضا لأبنه الجواد الرايد ابلهفه يحظنه

والألم من سم دليله بدمعة اعيونه يسكنه

هوه هم مثله غريب ويدري هاي الغربه محنه

ياغربة الاوطان -- شتعذب الانسان

ايظل بس جسد لاروح -- مثلي الچبد مجروح

يوليدي الله اوياك

---

ياشباب الماتهنه بعمره لاشاف السعاده

والأبو لوليده لو حن تلتهب جمرة فؤاده

وآنه يولييدي أمن أذكرك يومي أعلن بي حداده

بصبري اتحزم اگولن بالصبر وصه عباده

صابر عليك هواي .. ونته الهوه والماي

تعيش الحلم مذبوح ... مثلي الچبد مجروح

يوليدي الله أوياك

.......

ياحلم مامر عليه وبي أشوفك يبني سالم

هالزمن يلچم جروحي هالزمن ويانه ظالم

يفارگ الخل وخليله وماتظل بس المآتم

والأبو اليفگدله غالي الله هوه بحاله عالم

بدمعة حزن وفراگ ... لأبنه الذي يشتاگ

دمعه او ونين او نوح .... مثلي الچبد مجروح

يوليدي الله أوياك

......

يبني شمسك عني غابت وأظلم بعيني نهاري

يالچنت شمعه وتضّوي اوجودك أيظويلي داري

الحسره تچويني بغيابك دمعي ميطفيلي ناري

والذي يفگد عزيزه گلبه يتجرح اثاري

جرح اليحن ميطيب ... وعنه خليله أيغيب

حزني حزن ميروح ... مثلي الچبد مجروح

يوليدي الله اوياك

......

عالرضا قبل الجواد وقبله عالكاظم مصيبه

أتغرّبوا تركوا وطنهم كل محب فارگ حبيبه

مارحم بيهم قدرهم كل چبد يسعر لهيبه

والذي يختم حياته اجنازته تصبح غريبه

الكاظم سجن وقيود -- لهله النعش ميعود

ظل عالجسر مطروح -- مثلي الچبد مجروح

يوليدي الله اوياك

--

امصيبه فوگ أمصيبه مرّت عالهواشم مامثلها

فاطمه المعصومه ظلت بالغرب لايم اهلها

وزينب العاشت مصايب دمعه عالدمعه تهلها

لو رقيه وراس ابوها اتعيش عگبه ما مهلها

لو بالبقيع اگبور -- محرومه حتى النور

أچبود ودمع مسفوح -- مثلي الچبد مجروح

يوليدي الله اوياك

--

ياجواد الامه انته للمراد أكبر وسيله

انته باب الرحمه انته انته للتايه دليله

والطلب منك طلبته اتفرحه اتبّرد غليله

عدنه طلبه ردنه منك شافي ارواح العليله

يالتكرم الوفاد -- منك نريد أمراد

الغيرك ابد منروح -- مثلي الچبد مجروح

يوليدي الله اوياك ...
.......

سيد عدنان الحمامي


الساعة الآن 04:12 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team