ولادة الحجه عج -- يالغايب الك فرحانه الگلوب
 

ولادة الحجه عج
-
-
الحجه عج ---
المستهل
\\\\\\

يالغايب الك فرحانه اللگلوب -- عن حبك ابد لا ولله منتوب

شماگالوا علينه -- حبك يظل بينه
\\\\\\

الميلادك يغايب نفدي الارواح -- رغم اللي يضدك
ونندب كل مسه باسمك ومصباح -- ونصلي اعله جدك
شنهو العمر فدوه العمر لو راح -- كلنه اجنود عندك
يالذكرك عباده ويشفي الاجراح -- منتظرين وعدك
لابد يوم الك وتصيح للثار -- لامرتد يظل لاتظل اعذار
ياذخره النبينه -- حبك يظل بينه
\\\\\\\\\\\\\\
بس انته الامل يالمهدي عدنه -- غيرك مانريده
اوياك اعله العهد ثابت عهدنه -- أي يبن الصميده
هذا الحجي ايعرفه اللي يضدنه -- مو حچيي الجريده
يدرون اعله حبك من ولدنه -- يا أجمل قصيده
بس انته امل هاي الرعيه -- كلها تنتظر منك الجيه

واليوم التجينه -- حبك يظل بينه
\\\\\\\\\\\\\\\\\\\\\\\\\
يالغايب الناس اللي يندبون -- تعرف مبتغاهم
اغيابك هاكثر يالمهدي ميهون -- يهلال ابساماهم
والدربك تظل شباحه العيون -- يالبيدك لواهم
وياك الجهاد اسمع يريدون -- والثار بصداهم
يافرحة امل كل اليتامه -- والهاي الرعيه الهم سلامه
ننتظرك ولينه -- حبك يظل بينه
\\\\\\\\\\\\\\\\\\\
ياشمعه وتضوي الدرب للناس -- من جور اليالي
من گال اليحبك حبه ينقاس -- لا ولله يغالي
انته الشرف ونته التاج للراس -- بيك الراس عالي
ونموت اعله حبك وحگ عباس -- هاك اسمع سؤالي
ليش انگطعت وظاعت اخبارك -- دلينه يغايب وين دارك
غيرك ماهوينه -- حبك يظل بينه
\\\\\\\\\\\\\\\\\\
ياتاج الامل يامنصب الخير -- يافرحة الزهره
للأمه امام اينصبك اتصير -- بارينه يقّره
والدفة الدنيه اوجودك اتدير – ياحكمته وسره
مذخور وبديك ايصير تغيير -- هالعالم بأسره
يمته اهلالك ايهل بسمانه -- -- ونسمع من يرف بيدك لوانه
يالبيك اقتدينه --- حبك يظل بينه
\\\\\\\\\\\\\
يالغايب الك ثارات كثره -- منتظره تجيها
گلبك وشعجب ماخلص صبره -- يمته اتحن عليها
يايوم الفجر صبحك تنظره -- وفرحه تعتليها
لابد تفرح ابنورك الزهره -- وتخلص من بچيها
وتاخذ ثارها وثار الغرايب – ظلن بالطفوف اسره يغايب
بمحبتك روينه -- حبك يظل بينه
------------\\\\\\
سيد عدنان الحمامي