للانصار .. هتفنه اويه اليهتفون
 

----
المستهل
---------
هتفنه اويه اليهتفون ---- نضحي أويه اليضحون -- وياك - وياك
صبح واحدنه مجنون -- مثل عابس مثل جون -- وياك وياك
---------
يبو اليمه امقصرين اوياك شنهو انقدمه
بالبنين ومال نقسم الك نبذل والدمه
انت ريحانة محمد انت روح الفاطمه
انت شافع النه منقذ انت بيك الغانمه
اخذ هذا عهدنه --- ولانخلف وعدنه
الك ارواحنه اتهون --- مثل عابس مثل جون -- وياك -- وياك
------------------
ثابت وباقي عهدنه امن الازل عدنه عهد
ياسفينه او للنجاة أيامن البيها صعد
الك ارواح وبنين والك مانملك بعد
واليخدمك بالقيامه اهناك جائزته وجد
بعد امك تجازيه --- شفاعه اهناك تنطيه
بجنا الله ويفرحون --- مثل عابس مثل جون -- وياك وياك --
----------------
النصرتك باچر يفوز بروحه كل واحد يهب
والله خصك بالشفاعه ونته تشفع للمحب
وبيك يغفرله الذنوب ايروح مغفور الذنب
ومن يزوغ البصر باچر علي يروينه العذب
الك دمنه والارواح --- العمر قربان لو راح
واحنه أمن اليفوزون --- مثل عابس مثل جون -- وياك - وياك
------------------
أمن الازل احبابك احنه لا اليوم ولا أمس
يظل شلال المحبه بينه يروي كل نفس
ياحسين انته الامان وكل موالي بيه يحس
تظل غالي يبو اليمه وخصمك ايظل البخس
وين الخاصمك وين --- ماله گبر يحسين
خلها اتشوف العيون --- مثل عابس مثل جون -- وياك وياك
----------------------------
گبرك انشاهد ضريحه صار كعبه لليطوف
ناس تتعنه بجدمها ناس تتعنه زحوف
هالملايين التزورك يبو اليمه مو ألوف
حتى جبرائيل يمك ويه زوارك يطوف
گبرك كعبة احرار --- فاز اللي اجه زار
يمك خل يشوفون --- مثل عابس مثل جون -- وياك -- وياك
-------------------------
مايخيب العنده حاجه وگصد يمك مايخيب
جدك لالله حبيبه ونته للهادي حبيب
لو دعه الداعي ابضريحك الله للداعي يجيب
منك الوصفه اليجيك ومايروح الكل طبيب
بگبتك كل دعه انجاب--- تربتك وصفه التراب
بزوارك يرحبون --- مثل عابس مثل جون -- وياك -- وياك
سيد عدنان الحمامي