:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   أشعار الحمامي للشهادات والوفيات (http://www.adnanalhamame.com/vb/forumdisplay.php?f=3)
-   -   للزهراء ع -- بالحشر لو صار اهناك -- يم الحسن حضرينه (http://www.adnanalhamame.com/vb/showthread.php?t=11907)

سيد عدنان الحمامي 12-31-2019 01:24 PM

للزهراء ع -- بالحشر لو صار اهناك -- يم الحسن حضرينه
 
المستهل
....
بالحشر لو صار أهناك ... يم الحسن حظرينه
......
يم الحسن أنتي الذخر بالدارين
ماعدنه غيرچ ولله أي يم حسين
انتي الامان امن الخطر يوم الدين
بالشده لمن ننخاچ ... يم الحسن حضرينه
....
خدامچ أحنه وللأبد عاهدناچ
نلهج باسمچ فاطمه ماننساچ
آخر نفس للموت كل أحنه أوياچ
حضري المحب من يصيح ... يم الحسن حظرينه
...
أنتي الشفيعه الگال رب الاكوان
ونتي الصلاه والصوم ونتي القرآن
يوم الحشر حبچ يطفي النيران
يوم لفزع من يصير ... يم الحسن حظرينه
....
مصابچ يظل بگلوبنه جمرة نار
وتبقى المآتم والسواد بكل دار
يايوم والمهدي ينادي بالثار
وياه نطالب بالثار ... يم الحسن حظرينه
....
بس للمآسي أعليچ هالدنيه أتدور
بعد النبي كل يوم عندچ عاشور
بدار الحزن يومچ وضلعچ مكسور
ياشافعه الهاي الناس ... يوم الحشر حظرينه
.....
خلصتي عمرچ بالبواچي والنوح
متلازم أوياچ الحزن لا ميروح
دمع وقهر آلام وشكثر جروح
للمذنب أنتي اتشفعين ... يوم الحشر حظرينه
...
سيد عدنان الحمامي


الساعة الآن 02:02 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team