:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   أشعار الحمامي للشهادات والوفيات (http://www.adnanalhamame.com/vb/forumdisplay.php?f=3)
-   -   للزهراء ع.. يروح الروح.. وين نروح (http://www.adnanalhamame.com/vb/showthread.php?t=12447)

سيد عدنان الحمامي 12-31-2020 04:42 PM

للزهراء ع.. يروح الروح.. وين نروح
 
للزهراء عليها السلام
.
.
المستهل
.
يروح الروح.. وين نروح.. يمه ولا تودعينه
بينه جروح.. بس للنوح.. بثوب أسود تخلينه
عله فراش المنيه وماتغمظ العين
تعاين فاطمه بس عالحسن وحسين
.
تونين من كسر الضلع.. وبعينچ يلوج الدمع
ودمعي وي دمعچ مسيله
.
عمر امي ربي سلمه.. وتظل علينه أمخيمه
تغيب مانحملها ليله
.
بلحظة الباب الرضتچ.. للموت گربت ساعتچ
المن اتظل العقيله
.
الحسن وحسين.. بدموع العين.. ولو رحتي شيصبرهم
صبر منين.. وشتوصين.. تردينى أصير أمهم
.
من كسر البضلعچ أسمع تونين
.
.
لعيوني يايمه ضوه... نسمه اشمنچ هوه

اختنگ من ما أشمچ
.
مطمئن گلبى ومنسعد... مايوم عنچ ابتعد
بالأمان وآنه يمچ
.
واليوم آنه وأخواتي.. دمعاتهم وي دمعتي
شكبره زينب صار همچ
.
نظر عيناي.. دضلي وياي.. احمل افراگچ صعبه
.
ظلمه دنياي.. نايبه هاي.. وحسين لازم گلبه
.
اخوتي أعزاز عندچ أدري ورياحين
.
.
من بعد ضيمچ والقهر.. ومن الظلم ابشع صور
عفيه شحملتي مآسي

توصين ابويه مودعه.. بالليل نعشي أتشيعه
وايدچ امخليه اعله راسي
.
ودموع ابويه وحسرته.. إمن الگلب أسمع ونته
وآلفراگ اعلينه قاسي
.
آه الوداع.. هالعمر ضاع.. أصبح يتيمة أمي
.
طاح الشراع... يمه شبساع.. ماشوف وجهچ يمي
.
بعدنه زغار ليش اولادچ تعوفين
.
.
سيد عدنان الحمامي
.
.


الساعة الآن 05:01 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team