|
قصيدة (زينب والكمر)
اخوها اتعنت الكبره ____ غريبه وتهمل العبره ابهضم راحت ____ ابدمع ناحت غريبه وتهمل العبره ــــــــــــــــــــــــ هضم ليل الموادع بيّن اعليها وام الخدر نادت حيل واليها والغربه ابدمع سجّاب تاليها والضربه ابكلب نار اشيداويها تريد اعله الجره اتخبره ____ لجن مهضومه بالحضره ابعتب نادت ____ ابحزن صاحت غريبه وتهمل العبره ـــــــــــــــــــــــ شمّت جف اخوها وشالت الرايه وسياط المتن نيران ويّايه تكلّه اكعد يخويه وعاين ادمايه مهضومه ومتنها امخزّن اهوايه يريته ايشاهد الحره _____ تريد اعله الجرح نظره اويه عبرتها _____ اعله غربتها غريبه وتهمل العبره ـــــــــــــــــــــــ تكلّه اكعد يخويه واسمع السبني خل ونّك يون يتعاله وي وني واريدك تكعد اتعاين جرح متني اويوم البي غبت ياحيد شيبني لون عمري يرد كمره ____ جرح متني فلا يبره صبر عدها ____ اعله ضربتها غريبه وتهمل العبره ـــــــــــــــــــــــ تكلّه اسمع يخويه والعتب مريود منهو يشيل نعشي وانت ماموجود تكلّف بالدفن وارجع اليه اردود تعال اكصد اليه وانته راعي الزود الكمر كلها تعرف كدره ____ لجن متحيّر ابكبره جمر كلبه ____ على الضربه غريبه وتهمل العبره ــــــــــــــــــــــ تمنيتك جنت وي اليدفنوني بجيت وصحت وين الاهل عافوني صحت جاوين اخويه الكافل اظعوني تكلّه اكعد يخويه هاجت اظنوني دكوم وعاين الجمره ____ يخويه ابمتني شمأثره عتب الها ____ اويه كافلها غريبه وتهمل العبره ـــــــــــــــــــــ انشدك يالكمر ليلة دفنها وين اظن نادت ابو الغيره وتصد بالعين من عرفت اجلها وذكرت الجفين اظن سمعت كمرها ولطمت الخدين واظن هالواجب ايحضره ____ دفنها او بالكلب حسره الف جمره ____ على الكبره غريبه وتهمل العبره ـــــــــــــــــــــــــــــــــــــــ بقلمي خادم اهل البيت (ع) عبدالله العتابي |
عبد الله العتابي ربي يزيد بتوفيقك
ان شاء الله ويعطيك القوه حتى تواصل هذا المشوار النبيل في خدمة محمد وال محمد ص دعائي لكم |
بسم الله الرحمن الرحيم الحمد لله ربّ العالمين والصلاة والسلام على محمّد وآله الطيبين الطاهرين واللعن الدائم على أعدائهم أجمعين إلى قيام يوم الدين. سلام الله على قلب زينب الصبور وسلام الله على عقيلة بني هاشم ورحمة الله وبركاته اثأبكم المولى وسدد خطاكم لكل خير مسددين ببركة عقيلة بني هاشم عليها السلام |
استاذي ومعلمي وابي واخي ومرشدي
الشاعر القدير عدنان الحمامي لك انحني تواضعا لدعمك وتشجيعك لتلميذ صغير مثلي واجلا وانا لازلت مبتدا في بحر شعركم اقولها بصدق لك سيدي واسال الله لي ولكم التوفيق تلميذك المبتدا عبدالله العتابي |
شكرا لمروركي الكريم الذي زادني شرفا
اختي شجون الزهراء تحياتي |
اقتباس:
ياخويه هيه صايره اتلزك احسنت النشر خويه |
| الساعة الآن 12:32 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010