|
رقيه يارقيه --- شحملتي يارقيه
بسمه تعالى
------------- رقيه يارقيه ---- شحملتي يارقيه --------------- رقيه شفتي ياصور -- ياموقف اللي تنسيه زغيرونه بعدچ عالهظم -- مرً الهظم واجرعتيه وينچ او وين النايبه -- مذبوح اخوچ اتشوفيه عبد الله عينچ شافته -- من دم وريده امشربيه من اخذته المنيه -- رقيه يارقيه ---------------- رقيه مكسورة گلب -- بيمن گلبها اتجبره اشلون الها روح اتحملت -- ابلا راس ابوها اتنظره اخوتها كل واحد بدر -- غيبوا عنها بدره الاكبر اخوها ابمصرعه -- أ وجسام نام بكتره اه الغاضريه -- رقيه يارقيه ---------------- هيه رقيه بياعمر -- كل العمر خمس اسنين بالغاضريه اتروعت -- المصرع تشوفه بالعين خيل اجت عشره وسحًگت -- كل ظلع كسرت بحسين ومن المخيم للنهر -- شاهدت طاحن چفين ابيا حال صارت هيه -- رقيه يا رقيه -------------------------- بياحال عمها شافته -- عالنهر من طاح العلم وسمعت ابوها من صرخ -- ياخويه مو حيلي انهدم ظهري انكسر يبن الابو -- من يحمي عباس الخيم صارت رقيه ابلا امل -- خوف وعطش رهبه والم بعد اهل الحميه -- رقيه يارقيه --------------------------- ظلت رقيه بالخيم -- تتراجف وبيها الهلع هجمت الخيل ابلا رحم -- الها فلا واحد فزع خيمتها نار اتلاهبت -- تتصارخ او محد سمع ركظت رقيه وچم طفل -- والخيل تسحگ للوگع متيسره ومسبيه -- رقيه يارقيه ----------------------- مسبيه للشامت مشت -- وراس الابو وياها من عالرمح عينه تصد -- ليها وتصد عيناها اتگله يبويه اتيمت -- ايتيمك من يرعاها زغيره بعدني بعازتك -- وروحي الهظم يبلاها ياهو ايحن عليه -- رقيه يارقيه ------------------------- ابمجلس الظالم من جمر -- عالخد تهل دمعتها من فزت ابليل الحزن -- ياوالدي صرختها بالطشت راسه شافته -- طاحت خفت ونتها ميته لگتها اعله الطشت -- لمن اجت عمتها وافتها المنيه -- رقيه يارقيه ----------- سيد عدنان الحمامي |
اللهم صل على محمد وعلى آل محمد الطيبين الطاهرين
احسنتم سيدنا آجرك الله وطيب الله انفاسك قصيدة روعة وأنالكم الله شفاعة الزهراء في الدنيا والاخرة بحق السيدة رقية سلام الله عليهما |
طيب الله انفاسك الزكيه مولاي
جزاك الله الجنه تحياتي ودعائي |
جميل ما نثرت هنا سيدنا المبدع من حروف وعبارات لا مست الابداع في طرحها سلمت الأنامل التي خطت لنا هذه المفردات الراقية كعادتك لا تقدم الا الرائع.! |
الله الله الله الله الله الله الله الله الله الله الله الله
الله الله الله الله الله الله الله الله الله الله الله الله جميييييييييييييييييييييييييييييييييييييييييييييله جدا جدا جدا جدا جدا جدا جدا هاي القصيده الرائعه والمميزه في السيده رقية عليها السلام روحي وارواح العالمين الها فداااااء سئل الله العلي القدير ان يوفقك ويسدد خطاك بحق محمد وآل محمد ص تحياتي ودعائي |
ابونا الغالي طيب الله انفاسك لهذه الخدمه الحسينية واجرك علي قاضي الحوائج
ابا عبدالله الحسين عليه السلام |
| الساعة الآن 12:04 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010