حبيبي حسين غيرك ما احب هييات -- موال --
 

بسمه تعالى
00
-
حبيبي حسين غيرك ما احب هيهات

........ومحدّ يگدر الحبك ينسيني

يادگة گلب تحتيي بيها الروح

........ يامطرت أمل بالامل ترويني

يانسمة حياتي اللي تمر بالطيب

........ وحگها الفاطمه ألنسمات تحييني

ياگلبي الذي بس الك ينبظ دوم

........ يادمي الذي ايغذي شراييني

اي يحسين انته مهجتي وعيناي

........ ونته العمر كله وشمعة اسنيني

غرامك بي احس وسط الچبد موجود

........ أفرح من جمر حبك يچويني

نظر عيني محبتك لاتظن فد يوم

........ محبتك لو عفتها بساع تعميني

هويت حروف أسمك بيها چن مجنون

........ وماعوفك ابمذبح لو تخليني

--
سيد عدنان الحمامي--