:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   قسم الشاعر ابو علي السعيدي (http://www.adnanalhamame.com/vb/forumdisplay.php?f=58)
-   -   خذ مني هديه..يطير بهل المسيه..لولادة ملاتي الزهراء ع اقول (http://www.adnanalhamame.com/vb/showthread.php?t=10745)

ابو علي السعيدي 03-21-2017 12:45 PM

خذ مني هديه..يطير بهل المسيه..لولادة ملاتي الزهراء ع اقول
 
اخذ مني هديه..يطير بهل المسيه
نهني النبي المختار..بميلاد الزجيه
&&&
وحك اللي خلك سبعه..لجله
الزهره روحي افديها..لجله
عليه الدمع بعيوني..لجله
بفرح هاليوم اهنيها البريه
الزجيه نور الافلاك..ويانه تهني الاملاك
تهني ابو الحسنين..ونهني احنه البقيه
&&&
وحك العالمه ونعرف..علمها
زينب عالمه وطلعت.. علمها
متى يالغايب وتظهر..علمها
ونشوفه بالفرح ايرف عليه
نهني الناس صوبين..ويانه احنه الموالين
فرحتنه الجبيره..بنور الله العليه
&&&
خبر من النبي بيها..علمهم
الحسن وحسين خبرهم ..علمهم
يرفعون الفرح بيها..علمهم
ويكتبون الفرح هاي المسيه
فرحهم بين الكلوب..لاامهم اغلى محبوب
وياهم من نشارك..خل نفرح سويه
&&&
بروض الفرح معروفه..يزهره
انتي لشيعتج نبعه..يزهره
فرحكم نبغضه اليكره..يزهره
ونشوفه الويل باسمج يالابيه
يموت بحسره واونين..بفرحنه لاام الحسين
من نلتم عليهم..وتصفك هاي اديه
&&&
الزهره الاخذ منه الذهب..والدار
علم والمعرفه بالناس..والدار
كلمن شارك بهل الفرح..والدار
تشفعله تجي يوم المنيه
شفيعتنه الجبيره..الامير بت اميره
يوم الهول اليصير..من يحضر اليه
&&&
يطير وياك اخذلي هناك..مر سال
عليهم هالموالي يوم ..مرسال
خبره الزجيه اشصار..مر سال
بعدهم والجره واشصار بيه
نقدم اليوم الانذور..ونجيهم زحف ونزور
نزور ابنج يحره..نقدميله التحيه
&&&
بميلاد الزجيه اشكثر..له فاي
بروحي والبعد من فاي..له فاي
اظلل بس بجايه الروح..له فاي
الج بالروح صارت دار هيه
دارج بين العيون..خادم وانه ممنون
الج يم الكرمات..يبت سيد البريه
&&&
الج منذور اكل وشرب ..يوماي
عليه ولون ملوج الموت..يوماي
اقيمه بفرح هذا اليوم..يوماي
واصيرن خادمج حد المنيه
خادم الج للدوم..واعيد الفرح كل يوم
بميلاد الولايه..احني اجفوف اديه
&&&
وحك اللي خلكهه الراح..وي روح
علينه شما كثر بالطعن..وي روح
لون دنياك بيه البشر..وي روح
بس يبقى العمل حب الزجيه
حبهم النه للموت..نصيح بعالي الصوت
احنه وياج الاثنين..حزن وفرح بيه
&&&
وحك اللي خلك بالسمه.. طبكات
الج بظلوعي يازهراء..طبكات
لون الارض وي السمه..طبكات
ابقه بصايتج دنيه وأخريه
احنه دوم وياج..ونظل العمر بحماج
سور الطيب للناس..وسر انتي اليه
&&&

خادم اهل البيت
ابو علي السعيدي


الساعة الآن 04:55 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team