|
يوم السادس من محرم ----- في حق الانصار
يوم السادس من محرم ----- في حق الانصار بسمه تعالى سلام عليكم -- -- -- انصارك تفديلك دمها -- يحسين انصارك شاهدها اتجاهدلك شمرت ساعدها غيرك قائد لا ماعدها قربان انحور اتقدمها -- انحور اتقدملك وتعاهد انصارك وياك اتجاهد اتنصرك يحسين الله الشاهد ونته المنهاج اتعلمها -- يحسين انته اتريد اتناظل ثورة حق وضد الباطل هالانصار اوياك اتقاتل عابسها وجون او مسلمها -- يحسين اختاريت العينه كل واحد يفديك اسنينه يتخاذل ماواحد بينه عدوانك لازم نرجمها -- نرجم عدوانك بالحومه ونرجّع للدين ارسومه اونصرك كون انخلد يومه وچفوف الحق انسالمها -- يحسن ابشر كلنه اجنودك مقسم بالزهراء أوعودك وعلينه الشاهد معبودك جيوش الظلام انحطمها -- سيد عدنان الحمامي |
بسمه تعالى
سلام عليكم -- -- -- هاي الك انصار يوم الملحمه اتضحي بالمال وبنين وبالدمه -- هاي الك انصار وياك بعهد طلگت الدنيه ولامال او ولد الموت عدها ابشرف احله امن الشهد والشهاده اوياك بيها الغانمه -- رادت العز والتحرر والاباء وياك وتثبت قوانين السماء لاعبوديه ويرف عالي اللواء وعالحرب هاي الانصار امعلمه -- اختارهم يحسين الك رب الصمد لايصح مرتاب بيهم كل احد بيهم النشمي وشهم والحّر بعد رادوا ايجازون امك فاطمه -- اتعاهدوا رادوك سالم بس تظل يرتهب يحسين منهم كل بطل باچر اينادون حي اعله العمل الجيش ابن سفيان كون اتحطمه -- مسلم وجون وبرير اتعاضدوا اوياهم الحر الرياحي اتعاهدوا وعد عدهم للشهاده جددوا للنصر يحسين كلها امحزمه -- نصر اصحابك وماغيره تريد الك عزّه او رادت الذل اليزيد وتصبح احرار البشر لا مو عبيد والعبوديه او نهجها اتحرمه -- سيد عدنان الحمامي |
بسمه تعالى سلام عليكم -- -- -- المستهل -- يحسين الك انصار -- طيبه المراضع يوم الحرب لوصار -- عالحگ تدافع الله الذي يختار -- هالصفوه والاخيار -- يحسين الجهاد ايريد -- ناس الماتهاب الموت ترفض كل عبوديه -- وترفع عالطغات الصوت للذل ماتمد يدها -- تسحگ عالمنايا أتفوت وكل أسم الذي اختاره -- ربك بالعرش منحوت بيهم يريد الدين -- يعله مقامه الحكم الطغاة ايدين -- يرفض نظامه والفازوا بهل الدار -- هالصفوه والاخيار -- ابساحات الكفاح انشوف -- ما واحد بقه خالد بس انصارك السبعين -- واحدهم بالف واحد منهم للشهاده ايريد -- ويحصل المجد رايد ظلت كربله تفخر -- بيهم والزمن شاهد السان الزمن كل حين -- يذكر فضلهم هالفتيه المضحين -- ميصح مثلهم من يوصف الاحرار -- هالصفوه والاخيار -- لبّوا للعقيده الصوت -- يالاحرار نادتهم وبأرض الشهاده اصفوف -- سور اتصير وگفتهم والرايه حبيب بايد -- هزها وهيه جمعتهم بيها الشرف والوجدان -- بيها العزّه رايتهم هالرايه بيد احرار -- اتحير خصمها همه حماة الدار -- همه قممها سيوف وعصف من نار -- هالصفوه والاخيار -- صبوا هالحمم وسيوف -- ظلت عالرگاب اتطوف وارتعبت بني أميه -- الموت ابهل السيوف اتشوف ليهم من نزل عابس -- انصابوا بالذعر والخوف ابصدره يشگف الطعنات -- وارماح العليه وسيوف خلي الاحرار اتشوف -- هاي البساله ويه الحسين اصفوف -- ابساحة نظاله ماقدموا أعذار -- هالصفوه والاخيار --- هذا اللي يريده حسين -- كون امن الصلابه اصلب ايريده بالعزم ثابت -- وخصمه منه يتهيب يصبر لو يحزه السيف -- ايخلي الصبر يتعجب ويريد ابسمه الامجاد -- يتخلد يظل كوكب لبوا نداء الله -- لمن دعاهم نادوا ياحسيناه -- بذلوا دماهم نالوا رضا الجبار -- هالصفوه والاخيار --- قدموا دم مناحرهم -- كل قطره صفت ثوره واخذوا منهم الثوار -- ادروس التضحيه وعبره واليبذل لجل هالدين -- عند الله عله قدره ومن ضحه ابو السجاد -- حي مامات ظل ذكره كربله روح وشوف -- نور الامامه عالگبر من اتطوف -- اتحس بكرامه ومن صحبته الانوار -- هالصفوه والاخيار -- سيد عدنان الحمامي |
[[. المستهل....
.... برير وجون -- شيگولون -- الموت الموت ميهمنه الك انصار من انصار -- لو صار الطعن تصمد تمطر موت من تغتاض -- عواصف من تهب ترعد تطگ بركان بالميدان -- منهم كل جسر يشرد عابس لو حبيب او جون -- منهم ياشجاع اتعد ميهابون -- ويضحون -- كل واحد نذر دمه -- يحسين الشهم طبعه -- كل صعبه يلاويها وانصارك يبو السجاد -- غير العزم مابيها باچر والحرب لوصار -- سور أرماح تلگيها الك مختارهم ربنه -- أهموم البيك تجليها عد عيناك . كلنه اوياك .. انصارك يبو اليمه -- يحسين الكفاح ايريد -- جدم الثابت وميزل ابشفرت صارمه الابدان -- ايگوم الروسها يعزل وحوافر خيلها امن الخوف -- اتغوص بگاعها وتنزل وبيهم ينفجر بركان -- الدنيه وكونها ايزلزل هالاصحاب -- ليوث الغاب -- عدهم للنصر همه -- كلها اتعاضدت يحسين -- ارواح ابجسد واحد قائدهم شهم معروف -- حبيب الزاهد العابد حامل راية الايمان -- بيها للنصر رايد يفدي عمره دونك راد -- بأشرف ملحمه ايجاهد حسم نصره -- بدمه نحره -- عمره لجلك ايقدمه -- باچر من تهب الريح -- وعج الخيل بالميدان اتشاهد كل صوارمها -- حممها اتصبها والنيران ومشراد الزلم منهم -- الخوف ايموّت الفرسان وعسكرهم يبو السجاد -- بيد اهل الشرف ينهان صبح باچر -- العدو حاير -- عليهم تنزل النقمه -- من صار الطعن بحراب -- وصدور النشامه اتصد واحد من بعد واحد -- ابعزمه اعله المنايا ايهد وبروس الرذيله اتشوف -- واحدهم غده يحصد وگامت هالرگاب اتطيح -- والسيف النصر تسجد هاي ابطال -- تهز اجبال -- واحدهم صبح قمه -- سيد عدنان الحمامي[/center] [/center] [/size][/font] |
بسمه تعالى
سلام عليكم ----- المستهل --- عابس فدائي -- اسمع ندائي -- حُسين -- حُسين -- حُسين ----- صرخه من افق المبادئ تعتلي اتهز المسامع عابس وجون وبرير الرفضوا الكل المنافع صرخه بسم حسين تدوي هالشبيبه الكل تدافع لوحه رسموا للصمود او للفداء او للروائع حُب كربلائي -- اسمع ندائي -- حُسين -- حُسين -- حُسين ---- عابس المامثله عابس لايجي واحد مثاله ناصر حسين ابثورته كافح ابساحة نظاله گلبه والسانه وضميره وضّحن طيبة خصاله مارجف گلبه وتهاون بالشجاعه وبالبساله أنزع ردائي -- اسمع ندائي -- حسين -- حسين -- حسين ---- ساحة الموت التريده ايجاهد ويحمل وسامه يفني عمره ويفني روحه سالم ايظل بس امامه حب الحسين الوسيله جننه وهذا كلامه حب الحسين الجنون وحب الحسين السلامه تشهد سمائي -- اسمع ندائي -- حسين -- حسين -- حسين ----- عابس ايشاهد حبيب وبيده رايه الهل المهمه للخيم راح او يهزها والمنايا ماتهمه طمئنت گلب العقيله رايته اليحميها دمه للخدر سور احنه گلها والعدو مايدنه يمه بسمك لوائي -- اسمع ندائي -- حسين -- حسين -- حسين ----- احنه انصار المبادئ احنه انصار العقيده بينه ماواحد تردد حتى لوينحز وريده نرفض الدرب المذله انجاهد او للعز نريده ويه الحسين ابنصرته واليمسه نگطع ايده ارخص دمائي -- اسمع ندائي -- حسين -- حسين -- حسين ---------------- عبّدوا درب الكرامه عالي عند الله قدرهم ابكربله شاهد مجدهم خالد وباقي اثرهم كربله بيهم تفاخر اصبحت تاج المجدهم يلهج السان الخلود الهل الوكت يلج بسمهم الجنه جزائي -- اسمع ندائي -- حسين -- حسين -- حسين --- سيد عدنان الحمامي |
بسمه تعالى
سلام عليكم ---- --- المستهل --- انصارك معروفين -- للشدد مذخورين --- يحسين هاي انصارك وعد عيناك سيوف ورماح انصير حطنه ابيمناك من عالم الذر عالعهد عاهداناك الدرب اشهاده والمجد احنه اوياك خل تشاهدنه العين -- للشدد مذخورين ---- باچر تشوف شلون عندك انصار ابساحة الموت اتصير الك نور ونار همه الليوث وهمه يحمون الدار منك تعلموا كون يبقون احرار والعزم لا ميلين -- للشدد مذخورين ---- منك عزمنه والصبر والحكمه دونك نجاهد ياامام الأمه <font size="4"> |
بسمه تعالى
سلام عليكم ---- خلي الحراير تبتهج وتگر العيون اسمع انصار الملحمه بسمك يهتفون ---- يحسين اسمع هالتاف امن الطليعه انضحي الرگاب او سيدي أمرك نطيعه خبّرها بالهم لاتظل بعد الوديعه يفدوچ خبّرها برير وعابس وجون ----- يفدوچ بالمال وبنبن او فدوه الارواح والحمل غير اهله منو ايشيله لوّن طاح اسيوف احنه الها امشرعه انصير الها الارماح مصباح باچر هالعده خلهم يشوفون ----- خلهم يشوفون العزم عدنه والاصرار احنه الشبيبه او بالدمه نحميها للدار منك تعلمنه الصبر ونعيش احرار يحسين ننزل للحرب ونزلزل الكون ---------- يتزلزل الكون ابجثث نملي الميادين تتعثر الخيل ابزلم يبن الميامين ساعتها لاوين المفر من عدنه لاوين هاي السيوف امجربه وخلهم يجربون ----- ماعدنه سيف اليهجع او يغمض بالگراب دم المناحر لونزف انشربه للتراب ابحد السيوف القاطعه لوطعن الاحراب من يوصل الحّد الخيم اشحدهم يجسرون --- عالعهد نبقه اعله العهد يبن الصميده ينصر نهظتك كل فرد من دم وريده درب الشهاده ابثورتك والعز نريده نكسب شرف هذا النصر ونكحل اعيون ---- ابوذيه -- عله الذل مايعيش الشهم يابه وبيه تلگه الوفه لوعزّه يابه حبيب المجد يم حسين يابه يظل خالد ابيوم الغاضريه ---- البطل يوم الوغى والشدد يرّاد لئن مهيوب منه الخصم يرّاد عابس بالحرب من سيفه يرّاد ذل ارگاب سفيان وأميه --- سيد عدنان الحمامي |
سلام عليكم -- -- -- انته نور فوق نور ياحسين -- انته للرشد طريق التائهين -- ياحسين انته الامان امن الخطر -- الشيعتك بالرحمه بارينه نظر واليضدك باچر ابنار وسقر -- واليزورك كمن حجَ واعتمر انت للنجوى ملاذ الخائفين -- ياحسين ياحسين ياحسين ----- ياحسين المجد انته والخلود -- دمك الحررنه من كل القيود وعلمتنه بوجه كا طاغي الصمود -- صار واجب بالدمه لجلك نجود يشهد الله الاه العالمين -- ياحسين -- ياحسين -- ياحسين -- ياحسين التاج انته والشرف -- والتمسك بيك نال اعلى الغرف حور والولدان والراده قطف -- والذي يحسين فظلك ماعرف غداً يسقى عنوةً ماءً مهين -- ياحسين -- ياحسين -- ياحسن -- والذي حرموك من عذب الشراب -- دورهم ظلت يبو اليمه خراب أتبّره من اجسادهم حتى التراب -- وينهم يحسين شو صاروا سراب انت باقي رغم انف الحاقدين -- ياحسن -- ياحسين -- ياحسين -- ياحسين ابحبك احنه نعتصم -- بيه طريق الجنه شفناه منرسم ابغيظه يهلك خلي ويموت الخصم -- باچر ابسجيل باچر ينرجم يحشرُ في النار جنب الكافرين -- ياحسين -- ياحسين -- ياحسين -- عالعهد وياك نبقه عالعهد -- وأبد مايوم الذي نخلف وعد حبك ابدمنه ويغذي للجسد -- وحتى رضعان الذي بدور المهد لك شوقٌ يعتريها وحنين -- ياحسين -- ياحسين -- ياحسن -- -- |
احسنتم سيدنا الغالي وطيب الله انفاسك
اسئل الله لك التوفيق وحسن العاقبة |
| الساعة الآن 12:57 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010