:: منتديات السيد عدنان الحمامي ::

الك يابالفضل نشكي الحاله*** من غدر هذا الشمر وامثاله
*********************
الك ياعباس نعرض حاله
بضيم هذا الشمر وباقواله
كمر وجهك يمته يمحي الكاله
الفركه صعبه ياكمر جتاله
*********************
حكنه من بعدك تزيد اهمومنه
صعبه يابالفضل هذا يسومنه
ومنهو بعدك يجلي هاي غيومنه
والكمر يمته ايغير الحاله
************************
ياشهم مو زادت اهموم الكلب
وسال دم هذا العليل من الضرب
وين من جنت انته صنديد الحرب
وجم يتيم اليبجي من افعاله
***************************
العمر بس للمصايب والاهموم
والشمر يمك يابطل هاليوم
كام حتى الطفل من عنده ايحوم
وناح ويّانه الصبر اشماله
*************************
ياكمر مو طالت ايام السفر
وخلص كلب ام الخدر من القهر
وجم طفل ملّت اعيونه من السهر
الدمعه صعبه ياعلي وهمّاله
**************************
محد اينوح الدهر الا الغريب
سوط اليضربه الشمر ماظن يطيب
قهر حتى الكلب من عنده يشيب
وجم رضيع الشاب من الكاله
************************
العمر وي طيحتك خويه كضه
خويه لمن اذكر اليوم المضه
ويّه كلبي تشتعل نار القضه
من يداري الضعن ويّه اطفاله
************************
بقلم خادم اهل البيت(ع)
الشاعر
عبدالله خلف العتابي