:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   أشعار الحمامي للشهادات والوفيات (http://www.adnanalhamame.com/vb/forumdisplay.php?f=3)
-   -   وفاة الامام علي ع ... يمعجب الدنيه بصولاتك (http://www.adnanalhamame.com/vb/showthread.php?t=11697)

سيد عدنان الحمامي 04-14-2019 11:19 AM

وفاة الامام علي ع ... يمعجب الدنيه بصولاتك
 
المستهل
..
يمعجب الدنيه بصولاتك ... بالدم اتخضبن شيباتك
يمحير للعقول ... ياحيدر من يگول
بالدم تخضبن شيباتك
........
يامن بچفك ترد قرص الشمس
يامن أمهدمها لصنام الرجس
يامن الهل الناس طهرت النفس
يامن امجندل بسيفك كل شرس
غدار ايخاف أمن أخيالك ... لو ماساجد مايدنالك
أي يازوج البتول ... ياحيدر من يگول
بالدم اتخضبن شيباتك
....
يالذي الدين ألله قايم للحدود
أنت سر الله واسرار الوجود
خيبر ومرحب وبن ّود الشهود
وهاي ماينكرها بس اللي حقود
أعدائك صاروا وبكثره ... منها وكسروا ضلع الزهره
هالموضوع ويطول ... ياحيدر من يگول
بالدم اتخضبن شيباتك
........
أنته قرآن الله ياليلة قدر
ياقسيم الجنه والنار بحشر
ياعلي بحربك كتايبهم تفر
وذاكه ابن العاص وثق هالامر
غزواتك ياهو الينكرها ... روس الفرسان اطيرها
عقل الناس بذهول ... ياحيدر من يگول
بالدم أتخضبن شيباتك
.......
يا ابو الاطهار أيمتنه الهداة
ياهو عادل مثلك وأقضى القضاة
بيك حارت ياعلي كل الصفاة
يالذي بفراش أبن عمك تباة
حربك بالسيف امن أتديره ... كل ضربه أوياها التكبيره
بسيفك كل الحلول ... ياحيدر من يگول
بالدم أتخضبن شيباتك
..........
ماثبت غيرك أويه الهادي نصير
بذي الفقار البي حروب الحق تدير
يامعين الناس ياكهف الفقير
خشن تلبس والخصم يلبس حرير
ياقرآن ألله وآياته ... يالقوتك چان أبتمراته
للحق لمن تصول ... ياحيدر من يگول
بالدم تخضبن شيباتك
.........
ياصبور ويا شجاع وياحليم
شلون غضيت الطرف عن اللئيم
ونته بالمحراب للباري تقيم
حزن نوح وآدم وموسى الكليم
سيف ومسموم اللي صابك ... بالدم تخضب محرابك
ريت الدنيه تزول ... ياحيدر من يگول
بالدم تخضبن شيباتك
.....
سيد عدنان الحمامي


الساعة الآن 04:07 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team