يانعمة وجودك سيد الكونين.. في حق النبي ص
 

بسمه تعالى

سلام عليكم اسئل الله ان يرزقنا واياكم شفاعة محمد وال محمد ص

--

--

--



يانعمة وجودك سيد الكونين



ياسر الاسرار الماحصاهن عد



ياقدس القدس ياهيبة الجبار



ياقبظة القابض يامنيع السد



ياألفه ومحبه ورحمه من سواك



يا أسم الودود البيك يتجسد



يالوحة الباري البيها خط الكون



وسبعه امن السماوات العلى عدد



وسبعه أمن الجنان وعرش والكرسي



وقلم وللوح بيه كلشي انكتب وانحد



وشما خلق الله أمن ألاملاك وزاد



كلها ابنص حلقتك غدت تتعبد



ماگولن تهدم طاگ كسرى وطاح



وماگول المجوس ونارها تخمد



وماگولن جهنم بابها ايسدوه



وماگول الجنان وطيرها الغرّد



وماگول الگمر شد حيله بحزامين



وسواها نهار وخاف ليله ايرد



ولاگول الشمس تتمرد او متغيب


لجل امحبتك تريد الضوه سرمد



وماگول النجوم انولدن أمن اجديد



وعمرها الفات ذاك العمر ماينعد



اگول اشلون گاع المنك انخلقت



تشيلك ياعجيبه اشلون ماتنهد



اذا واحد يصلي اعليك يامولاي



الف مره ويطب الجنه ماينرد



صلوا اعله الحبيب السرّه مامعروف



بس حيدر والله ومايعرفه أحّد


---

نسألكم الدعاء

سيد عدنان الحمامي